web counter
LEXO PA REKLAMA!

SHKARKO APP

App Store
Google Play

Kriza në PD/ Paloka: Jemi në kushte të vështira, Basha përgjegjës për përçarjen e demokratëve

19 Mars 2022, 19:14, Politikë CNA

Deputeti i Partisë Demokratike njëherësh anëtar i Komisionit të Rithemelimit Edi Paloka ka komentuar krizën në selinë blu, ku thekson se forca e tij politike ndodhet aktualisht në momente të vështira.

Në një intervistë televizive, Paloka ka bërë përgjegjës Bashën për përçarjen e demokratëve, ndërsa shton se zgjedhjet  e pjesshme vendore të 6 marsit, i dhanë fund dilemave për Lulzim Bashën.

Ai thekson se se dorëheqjen e këtij të fundit e kanë kërkuar edhe deputetët që e mbështetën.

?PD është në kushtet më të vështira që ka pasur ndonjëherë, fut kështu edhe vitin ?97. Sot kemi një çarje të nxitur nga Kryetari i partisë, dhe kjo e ka bërë situatën ende më të rëndë. 6 marsi i dha fund dilemave. Edhe ata që e besuan deri dje Lulzim Bashën sot mendoj se s?kanë më asnjë dilemë. Por për fat të keq edhe pas 6 marsit ne gjendemi në një situatë aspak të mirë për PD, sepse megjithëse Bashës i ka kërkuar dorëheqjen pasi është shkarkuar nga pjesa kryesore e PD. Bashës i është kërkuar dorëheqja nga deputetët e tij dhe Basha vazhdon të përsërisë në mënyrë të habitshme dhe të turpshme të njëjtën frazë?, tha Paloka./E.K-CNA.al





Lajmet e fundit nga