web counter
LEXO PA REKLAMA!

SHKARKO APP

App Store
Google Play

Rezistencë 24 orëshe para Kryeministrisë/ Rama sfidon protestuesit

19 Mars 2022, 12:07, Politikë CNA

Njëherësh me nisjen protestës së qytetarëve për rritjen e çmimeve është shfaqur edhe kryeministri Edi Rama.

Në orën 11, ashtu siç ishte paralajmëruar qyetarët kanë nisur marshimin nga sheshi ?Skënderbej?, për të kryeministria dhe po në të njëjtën orë, Rama ka dalë në një takim me banorët e Katundit të Ri në Durrës.

Qytetarët i shkuan poshtë zyrës, ndërsa ai ka lënë zyrën dhe ka udhëtuar në Durrës.

Protestuesit kanë vendosur të bëjnë rezistencë 24 orëshe para kryeministrisë dhe ndërsa mbaheshin fjalime në shesh, Rama vijonte fjalimet në Katundin e ri.

Qytetarët u ulën në gjunjë para kryeministrisë, ndërkohë Rama vijonte shpjegimin e paketës së rezistencës sociale.

E përbashkëta mes protestuesve dhe Ramës ishte se të dyja palët kishin si emërues krizën ekonomike,

Vetëm se qytetarët, fajësonin Qeverinë dhe Ramën për rritjen e çmimeve, ndërsa ky i fundit ia hidhte përgjegjësitë luftës në Ukrainë.

Kërkesat e protestuesve

Të ndalohet  rritja e çmimit të naftës. Çmimi aktual është 70 lekë më lirë për çdo litër, por sipas tyre nuk mjafton sa kohë vendet e rajonit e kanë dukshëm më të ulët.

Ngritja e bordit për kontrollin e çmimit të karburanteve në kohë krize.

Të miratohet një paketë ekonomike për krizën.

Të publikohet angazhimi i qeverisë për miratimin e një akti normativ për uljen e çmimit të ushqimeve të shportës.

Si edhe pezullimi i disa taksave dhe tatimeve për një kohë të caktuar, shtimi i fondit për bujqësinë dhe caktimi i minimumit jetik mbeten ende kërkesa të pa përmbushura./CNA.al





Lajmet e fundit nga