web counter
LEXO PA REKLAMA!

SHKARKO APP

App Store
Google Play

OSBE vlerëson zgjedhjet e 6 marsit/ “Hera e parë në 30 vite që rezultati nuk u kontestua”

18 Mars 2022, 19:08, Politikë CNA

Rezultati i zgjedhjeve të pjesshme lokale të 6 marsit, është konsideruar nga prezenca e OSBE Shqipëri, si hera e parë në 3 dekada që një rezultat zgjedhjesh certifikohet pa pasur kundërshti nga palët.Gjithsesi, OSBE ka paralajmëruar se ka ende shumë gjëra për tu përmirësuar në Shqipëri, në mënyrë që të rritet integriteti i proceseve zgjedhore.

 ?Një gur kilometrik i rëndësishëm për zgjedhjet në Shqipëri u arrit sot. Për herë të parë në historinë 30-vjeçare të proceseve zgjedhore pluraliste, rezultati i zgjedhjeve u certifikua pa asnjë kontestim. Prezenca e OSBE-së përgëzon administratën zgjedhore dhe partitë politike për këtë zhvillim domethënës, i cili vërteton edhe një herë profesionalizmin e Komisionit Qendror të Zgjedhjeve. Ne kemi besim se ata do ta ruajnë këtë arritje të rëndësishme, pasi qytetarët shqiptarë meritojnë zgjedhje ku çdo votë respektohet. Sikurse tha Komisioneri Celibashi, ka ende shumë për të bërë për të rritur integritetin e procesit zgjedhor dhe për të garantuar standardet ndërkombëtare të zgjedhjeve. OSBE-ja qëndron e gatshme të kontribuojë në reformën zgjedhore dhe mbetet partnerja kryesore e KQZ-së në përpjekjet për zgjedhje gjithnjë e më të mira?, sqaroi prezencae OSBE në vendin tonë./ CNA.al

 





Lajmet e fundit nga