web counter
LEXO PA REKLAMA!

SHKARKO APP

App Store
Google Play

“Gjykata nuk zbatoi afatet”/ Ristani reagon mbi vendimin për Statutin e PD

18 Mars 2022, 15:40, Politikë CNA

Anëtari i Komisionit të Rithemelimit, Arben Ristani ka reaguar në lidhje me vendimin e Gjykatës së Tiranës ku është lejuar regjistrimi i ndryshimeve të Statutit të Partisë Demokratike në korrik 2021. Ai e ka konsideruar një vendim të tillë si të pritshëm, për sa kohë që kërkesa për të ka qenë në përputhje me Kushtetutën e Shqipërisë, ligjet në fuqi dhe Statutit të PD-së.

?Vendim mëse normal, duke pasur parasysh, se përmbajtja e vendimit të Kuvendit të demokratëve në korrik 2021, ishte sipas Kushtetutës së Shqipërisë dhe sipas procedurave të ligjit për partitë politike dhe procedurave statutore të PD-së. Ndërkohe presin radhën, po në këtë gjykatë, për tu shqyrtuar dhe regjistruar, edhe ndryshimet e tjera që i janë bërë më pas, Statutit të PD, ndryshime të cilat, janë edhe ato në bazë të Kushtetutës, ligjit dhe Statutit të PD?, deklaroi ish deputeti.

Ristani ka theksuar se ajo që duhet të përbëjë lajm është fakti që gjykata nuk ka respektuar afatin kohor prej 30 ditësh të shqyrtimit të kërkesës. Ai ka ironizuar edhe kryetarin e shkarkuar Lulzim Basha.

?E vetmja gjë që terheq vëmendjen në këtë rast, është shkelja e ligjit nga gjykata për mos shqyrtimin e këtyre kërkesave, brenda afatit 30 ditor që kërkon ligji. S’mund të mos bjerë në sy dhe ngazëllimi i Bashës që ta paraqesë faktin, si fitore e njeriut që vetëm fiton, pa njohur humbje, si dhe kënaqesia që ndjen, kur sheh se në rregjistrin e partive politike, ai figuron ende kryetar i PD, sipas statutit te korrikut 2021″, përfundon ai./ CNA.al





Lajmet e fundit nga