E fundit!

16:01 Aktualitet

Deklarata skandaloze e ministres serbe/ PD: Të shpallet "non grata" dhe të paditet për nxitje të gjenocidit

Partia Demokratike ka reaguar lidhur me deklaratën e minis...

“Berisha do të kandidojë dhe do të fitojë”/ Imami: Basha duhet të largohet, është barrë e rëndë

17 Mars 2022, 22:27, Politikë CNA

Ish ministri Arben Imami, në një intervistë televizive ka kërkuar largimin e Lulzim Bashës, duke e konsideruar një barrë të rëndë për Partinë Demokratike. Sipas tij, zgjedhjet e pjesshme të 6 marsit, ishin pika ku figura e Bashës kaloi nga të qënit zgjidhje, në një problem për partinë. Imami ka theksuar faktin që edhe ata deputetë të cilët deri tani e mbështesni Bashën, sot i janë bashkuar Foltores.

“Duhet të largohet dhe do të largohet. Çështje ditësh besoj se është largimi i tij, sepse është bërë barrë e rëndë për të gjithë ata që e mbanin. Nëse deri më 6 mars Basha mendohej si zgjidhje, nuk e di se për çfarë, pas 6 marsit ai është pjesë e problemit. Humbja ishte e rëndë dhe paralajmëron humbje të tjera shumë më të rënda”, tha ai.

Ai ka këmbëngulur në faktin që kandidatura e Berishës do të jetë fituese dhe se Basha duhet të largohet për të bërë të mundur nisjen e një procesi zgjedhor brenda partisë.

?Berisha do kandidojë dhe do fitojë. Grupi që nuk kanë qenë thjeshtë të dëmshëm, por me qëllim kanë dëmtuar demokracinë, do jetë e vështirë të gjejnë vendin e tyre në një Parti Demokratike të bashakuar?, tha Imami./CNA.al