web counter
LEXO PA REKLAMA!

SHKARKO APP

App Store
Google Play

“Po eleminohen primaret”/ Ish kreu i PD ngre alarmin, kërkesë demokratëve

17 Mars 2022, 15:48, Politikë CNA

Ish kreu i PD-së së Kukësit Ibsen Elezi teksa ka komentuar situatën politike në PD, ndërsa ka theksuar se po eleminohen primaret, vendim ky i marrë në Kuvendin e 11 dhjetorit.

Në një postim në rrjetin social Facebook, Elezi shkruan se ?G29 ka detyrimin dhe pergjegjesine para anetareve te PD dhe opinionit publik qe te zbatoje vendimet kuvendit?.

Ai thekson më tej se është detyrë e çdo demokrati që të mos lejojë shkeljen e vendimeve të marra në Kuvend dhe të mbrojë garën.

?Po eleminohen primaret!

Gara është zgjidhja,  nëse nuk deformohet!

Vendimet e kuvendit të datës 11 dhjetor garantuan :

Gara e lirë,

Garë me primare,

Garë e barabartë,

Garë transparente.

 Vetëm një garë e tillë mund të shuaj konfliktet dhe të sjell bashkimin e PD.

G29 ka detyrimin dhe përgjegjësinë para anëtarëve të PD dhe opinionit publik që të zbatojë vendimet kuvendit.

Shenjat e mungesës vullnetit nga G29, duken qartë që në udhezimin Nr.5, të datës 11 mars 2022.

Udhëzimi nr.5 i sapo dalë eleminon garën me primare në zgjedhjet për kryetarët e degëve.

Kandidatët për kryetarë të degëve duhet të dorëzojnë dokumentat deri  në 3prill, ndërkohë që gara duhet të mbarojë në  10 prill,

kjo tregon se kjo garë do vazhdojë me stilin e vjetër ku kandidatët garojnë pa zë dhe pa ide.

Pra G29 po shkel vendimet e Kuvendit të datës 11 dhjetor, po anashkalon  liderin historik Berisha duke u munduar të ulë imazhin e tij në sytë e demokratëve.

Ata po tregojnë se nuk mund të shkëputen nga modeli Rama-Basha i vrasjes së konkurencës.

Detyrë e çdo demokrati të mos lejoje shkeljen e vendimeve të kuvendit dhe të mbrojë garën?, shkruan Elezi./E.K-CNA.al





Lajmet e fundit nga