Përmes TAP, gazi rus nuk kalon në Shqipëri/ Berisha: U përballem me sabotime

17 Mars 2022, 10:13, Politikë CNA

Ish-kryeministri Sali Berisha sot në një deklaratë për mediat është ndalur tek gazsjellësi TAP, të cilin e cilësoi si një nga arritjet më të mëdha të qeverisjes së tij.

Berisha theksoi se përmes TAP, gazi rus nuk kalon në Shqipëri.

Po ashtu Berisha deklaroi se në atë kohë u përball me shumë sabotime, me qëllim që korridorin e Jugut, ta kapte Rusia.

?TAP mund të ishte TAP vetëm nëse kalonte në territorin e shqiëprisë, territor në të cilin gazi rus nuk mund të kalonte.

Është një arritje e madhe për Eurpoën, arritje e qeverisë sime.

Rreth kësaj aksiome u zhvillua një aktivitet i jashtëzakonshëm diplomatik disavjecar, u bënë përpjekjet më të mëdha për ta sabotuar atë, që korridorin e Jugut ta kapte Rusia

Kundërshti të mëdha në të gjitha vendet që kalonte gazsjellësi, përvec Shqipërisë u shfaqën në rritje.?-tha Berisha.

Më tej, Berisha tha se “Kundërshti të mëdha në të gjitha vendet që kalonte gazsjellësi përveç Shqipërisë u shfaqën në rritje, për të eleminuar TAP, u krijua nga tre vendet fqinje, u krijua rrjeti i gazit Itali, Greqi, Turqi. Presidenti i Azerbaxhanit, me kurajo dhe guxim epik, përjashtoi kompaninë e varur nga rusia nga gara, gjë që zgjoi zemërimin në 3 vendet fqinje, vazhduam përpjekjet diplomatike, për të bindur fqinjët tanë se nga TAP përfitonin të gjithë dhe nuk humbiste nga asnjë njeri. Dua të falenderoj me mirënjohjen më të thellë, presidentin e Azerbajxhanit, që shpalli TAP fituesin për gazin Kaspik, një falenderim të madh meriton dhe Xhorxho Napolitano, i cili përmbysi të gjitha qendrimet, thellësishttë gabuara, të administratës së shtetit të tij, çka ishte më pas përcaktues në qendrimin e Republikës së Italisë.

Një mirënjohje kam për sekretaren e shtetit Hillary Klinton, në të gjithë 8-vjeçarin tim në raport me SHBA kam pasur dy çështje, NATO dhe TAP. Klinton na ka dhënë një ndihmë shumë të çmuar, duke na dhënë ndihmën e saj për çështjen e energjisë, kam një falenderim për ministrat, diplomatët dhe këshilltarët e mi të asaj periudhe që punuan me përkushtim të madh. Ju e dini që Tirana u bë kryeqytet i Ballkanit për TAP. Dua të jap një mesazh për ata që shpallën non grata Sali Berishën, mafia e Xhorxh Soros, që vetëm për TAP Sali Berishës i kanë ofruar shuma madhore, dhe ai i ka refuzuar, pasi isha i bindur që gazi rus nuk ishte i duhuri për Europën. Kanë qenë oferta direkt nga Gazpromi.”

Kujtojmë këtu se Gazsjellësi Trans Adriatik, (TAP AG) ka njoftuar se një sasi prej 10 miliard metër kub (bcm) gaz natyror nga Azerbajxhani ka hyrë tashmë në Europë, nëpërmjet pikës së interkonjeksionit në Kipoi, në kufirin Greqi-Turqi, aty ku TAP bashkohet me Gazsjellësin Trans Anatolian (TANAP)

TAP-i do të lehtësojë furnizimin me gaz të vendeve të Evropës Juglindore përmes interkonektorëve të ardhshëm. Në veçanti, Bullgaria do të jetë në gjendje të mbulojë deri në 33% të kërkesës së saj totale për gaz përmes gazsjellësit TAP, pas përfundimit të interkonektorit Greqi Bullgari (IGB). Pikat e daljes së TAP-it në Greqi dhe Shqipëri, bashkë me daljen në tokë në Itali, ofrojnë mundësi të shumta për transportin e gazit nga Azerbajxhani drejt tregjeve më të mëdha evropiane.

Si një pjesë kyçe e Korridorit Jugor të Gazit, TAP-i është i rëndësishëm për Evropën, si nga pikëpamja strategjike, ashtu edhe ekonomike, si dhe thelbësor në ofrimin e aksesit të sigurtë në një burim të ri gazi natyror. TAP-i luan një rol të rëndësishëm në forcimin e sigurisë së sektorit energjetik në Europë, diversifikimin e rezervave energjetike, si edhe objektivat e dekarbonizimit./CNA.al