web counter
LEXO PA REKLAMA!

SHKARKO APP

App Store
Google Play

Peleshi bën premtimin për blerjen e dy Black Hawk-ëve/ Sot rikonfirmon mbështetjen ushtarake ndaj Ukrainës

16 Mars 2022, 22:01, Politikë CNA

Ministri i Brendshëm Niko Peleshi, në një intervistë për Erla Mëhillin në ?Now?, Euronews më 9 shkurt, ka njoftuar për blerjet e helikopterëve Black Hawk të cilat do t?i shtoheshin flotës ajrore shqiptare. Ai ka sqaruar edhe planet për blerje të reja dhe unifikimin e brandeve të helikopterëve.

?Tek forca ajrore do përmend edhe blerjen e dy helikopterëve Black Hawk, dua ta them se kemi një lloj handikapi, kemi një numër të caktuar helikopterësh të bradeve të ndryshme dhe ne kemi një vizion që të shkojmë drejt sa më pak brandeve, pra sa më pranë unifikimit të tyre. Black Hawk janë objektivi ynë në ideal. Idealisht do donim të kishim një flotë Black Hawkësh. Dy Black Hawk janë paguara kontraktuar dhe pritet të vijnë në filimi të vitit që vjen. Kemi shprehur interes edhe për disa Black Hawk të tjerë që do t?i bashkohen flotës sonë, dhe presim që në harkun e 10 viteve të kemi një numër Black Hawkësh që do të jenë dominant në flotën tonë?, ka folur Peleshi.

Ndërkohë, ditën e sotme, ministri Peleshi, në një lidhje live për emisioni ?Sot? në Euronews, ai ka sqaruar fokusin e samitit të sotëm të ministrave të brendshëm të vendeve anëtare të NATO-s, si dhe ka bërë të ditur ndihmën që Shqipëria ka dhënë deri tani dhe atë që pritet të japë për Ukrainën në ditët në vijim, si një vend anëtar i NATO-s.

?Së pari, ju sqaroj se fokusi i samitit të jashtëzakonshëm të ministrave të mbrojtjes të NATO-s sot, ishte ndarja e kontributeve të ofruara dhe lëvruara për Ukrainën dhe gatishmërinë për të përforcuar mbështetjen, qoftë me mjete ushtarake, qoftë me kontribute humanitare. Shqipëria nuk mbetet pas vendeve të tjera anëtare të aleancës. Kemi dërguar tashmë ndihmën e parë të rëndësishme, të qenësishme me mjete ushtarake në Ukrainë, dhe jemi angazhuar edhe sot e në vijim për të shtuar kontrinutet në bazë të mundësive tona, qoftë në mjete ushtarake edhe në pajisje humanitare?, shpjegoi ai./ CNA.al





Lajmet e fundit nga