web counter
LEXO PA REKLAMA!

SHKARKO APP

App Store
Google Play

E fundit!

x

Ristani ashpërson tonet/ “Basha është matrapaz, nuk ka asnjë lidhje me politikën"

16 Mars 2022, 19:58, Politikë CNA

Anëtari i Komisionit të Rithemelimit, Arben Ristani, ka komentuar rezultatin e turpshëm të kandidatëve të PD-së në zgjedhjet e pjesshme të 6 marsit. Sipas tij, për herë të parë në 3 dekada, PD nën drejtimin e kryetarit të shkarkuar Basha, është renditur si forca e tretë. Ristani kërkoi largimin e Bashës, duke shtuar se demokracia ndërtohet vetëm mbi votën e lirë dhe vullnetin e shumicës. Një shumicë e cila nuk e mbështet Bashën.

?Parimi që ndërton demokracinë është një dhe i vetëm, është vullneti i shumicës i bazuar mbi votën e lirë. Kudo ku ka shumicë dhe votë të lirë është e drejta. Ky është parimi që i ndan gjërat. Demokratët u mblodhën më 11 Dhjetor dhe bënë një Kuvend. Në zgjedhjet e 6 marsit shumica dhe vota identifikuan se kush është vullneti i shumicës dhe çfarë do shumica e PD-së. Në këtë kontekst Lulzim Basha është shkarkuar si kryetar në Kuvendin e datës 11 dhe ai nuk përfaqëson më PD që nga ajo ditë. Forcat kundërshtare të PD-së, fus këtu dhe kryeministrin Rama kanë tentuar dhe kanë vazhduar të tentojnë nëpërmjet bllokimit të Gjykatës dhe nëpërmjet marrjes peng të vulës?, deklaroi ai.

Ristani ka folur me tone të ashpra ndaj Lulzim Bashës, duke e quajtur matrapaz dhe një njeri që nuk ka asnjë lidhje me politikën. Ai ka folur mbi vendimin për përjashtimin e Sali Berishës nga PD, duke e quajtur një vendim nul, pasi sipas Statutit të PD-së, është shumica ajo që merr vendimin, jo pakica që në këtë rast, sipas tij është Basha.

?Lulzim Basha është një matrapaz dhe nuk është një politikan. Nuk ka lidhje me politikën, aq më tepër me sistemin demokratik që kemi ngritur. Demokracia është sistem rregullash i shprehur në Statut. Sipas Statutit të PD kryetari asnjëherë nuk ka pasur kompetenca vendimmarrëse, nuk merr vendim kryetari sepse është sistem demokratik dhe do të thotë që shumica merr vendim, nuk merr pakica. Ka qenë një vendim absurd, nul dhe rrjedhimisht ka sjellë turbullirë dhe konflikt, por nuk ka sjellë zgjidhje të çështjes. Them matrapaz sepse e ka bazuar veprimtarinë mbi përfitime pasurore personale që nuk kanë të bëjnë me PD?, tha ai.

Ish deputeti demokrat është deklaruar edhe në lidhje me atë se çfarë do të ndodhë me Komisionin e Rithemelimitpas 30 prillit. Ristani shpjegoi se puna e Komisionit do të përfundojë me krijimin e intitucioneve statutore të PD-së.

?Komisioni i Rithemelimit i dalë nga Kuvendi i datës 11 dhjetor  2021 ka detyrë të drejtojë PD deri në Kuvendin e ardhshëm, i cili u shty për shkak të këtyre zgjedhjeve vendore për në datën 30 prill. Aksionet e Komisionit të Rithemelimit kanë të bëjnë me organizimin e partisë deri në mbajtjen e këtij Kuvendi të radhës.  Organizimet kanë të bëjnë me zgjedhjet nëpër degë, në formatimin e degëve të PD kudo në Shqipëri, në zgjedhjen e delegatëve të cilët do të përfaqësojnë demokratët në Kuvend. Më pas kur Kuvendi i radhës të marrë vendimet e tij këtu merr fund veprimtaria e komisionit të rithemelimit për t’i lënë rrugën institucioneve statutore të PD-së?, deklaroi ai në një studio televizive./ CNA.al

 

 

 





Lajmet e fundit nga