web counter
LEXO PA REKLAMA!

SHKARKO APP

App Store
Google Play

Propaganda e Ramës/ Ja sa paguan një emigrant në Itali faturën e energjisë elektrike

15 Mars 2022, 20:42, Politikë CNA

Për të justifikuar rritjen e çmimeve në vend, kryeministri Edi Rama ka vijuar avazin me mashtrimet ndaj opinionit publik, ku sot ka publikuar një faturë të energjisë elektrike, me demek e një familjeje në Itali, ku vlera e saj i kalonte 600 euro.

Rama shkruan se foton e faturës ja ka çuar një emigrant që jeton në Itali, ndërsa shton emrin ja ka hequr edhe pse nuk ja kërkoi.

?Ma çon një shqiptar nga Firenze (emrin e të cilit e fshiva edhe pse nuk ma kërkon), me këtë tekst:

“Zoti Kryeministër!

E kotë të luftosh në fejsbuk me ata që një e dy përmendin rrogat tona këtej. Nuk e besova kur ju dëgjova që në Shqipëri nuk e keni rritur faturën e elektricitetit. Po e verifikova dhe ju them që jam pa fjalë! Mos u mërzisni me ata që bëjnë llogaritë e rrogave tona jashtë. Ca nuk kanë, ca nuk dinë ca jane te futur, ruani qetësinë me ta kush nuk e kupton sot do e kuptojë nesër. Ne këtej po na ikën truri me faturat e energjisë. Italianëve edhe më keq se neve që jemi stërvitur ca andej para se të vinim.

Po ju nis faturën e famijes time mund ta tregoni publikisht. Jetojmë në një apartament aspak luksoz me qera këtu me një nga ato rrogat 1500 euro që i shkruajnë komentet sikur janë 15 mijë euro! Kemi tre goca në shkollë. Nuk po i bie gjatë. S’dimë sa do arrimë ta kapim fundin e muajve që vijnë po vazhdoi kjo furtunë çmimesh.. Zoti ju dhëntë durim dhe forcë“, shkruan Rama./E.K-CNA.al





Lajmet e fundit nga