Protestat e qytetarëve/ Berisha: Është reagim kombëtar ndaj gjendjes së vështirë që jetojmë

15 Mars 2022, 20:08, Politikë CNA

Ish Kryeministri Sali Berisha, në një intervistë televizive, ka komentuar protestat masive të qytetarëve ditëve të fundit. Berisha e ka quajtur situatën si një reagim kombëtar ndaj gjendjes së vështirë që u gjendën sa hap e mbyll sytë, me rritjen e frikshme të çmimit të naftës dhe produkteve ushqimore të shportës. Ai e ka quajtur kryeministri Edi Rama një diktator dhe se nëse ka diçka putineske në situatën e krijuar, ajo është vetëm qëllimi i Ramës, referuar akuzës së kryeministrit se protestat janë duke favorizuar Rusinë.

?Së pari dua të theksoj se nëse ka diçka putineske në sfondin e protestave, është qëllimi i Ramës i bazuar në urrejtje. E nisi me akuzën se protestuesit ishin pakicë. Le të jetë pakicë, nuk mund ta urresh. Ti je i detyruar ta respektosh pakicën. Pasi pa që nuk ishin pakicë, edhe gjithmonë është një pakicë ajo që bën më shumë se shumica në beteja, nxori tezën se po ndihmohet Putini. Kjo është një gjuhë e denjë diktatorësh. Nëse do të ishte Enver Hoxha, edhe ai do t?i faturonte situatën armikut më të eger, Putinit. Protestat janë reagim i ligjshëm ndaj një spekullimi të tmerrshëm duke përfituar nga hijet e luftës, në mënyrë të paimagjinueshme?, tha ai.

Ish kryeministri Berisha ka arsyetur protestat me faktin se çmimet brenda Shqipërisë u rritën shumë më shumë se në vendet fqinje. Ai ka akuzuar qeverinë se ka krijuar një sistem të paimagjinueshëm vjedhjeje.

?Si mos të protestojë qytetari shqiptar kur nafta i shitet me 2.2euro, ndërkohë që në Maqedoni shitet me 1.3 euro e në Zvicër me 1.8euro. Ky njeri e gjen vetet para faktesh të kryera sa hap e mbyll sytë. Po vaji i gatimit që ka kaluar në më shumë se 3 euro? Produkti I blerë para nisjes së luftës, tani e shitet me çmim spekullimi. Ky është një tiping point. Sa I përket energjisë elektrike, ju kujtoj që ky ishte viti kampion i prodhimit të energjisë. Janë prodhuar 8.9 terraëat ndërsa konsumi tarifor është 5.1 terravat. Në gusht qeveria zbrazi digat dhe e shiti energjinë me 42 euro kur të bursë shitej me 120 euro. Kur nuk duhej shitur fare. Dihej që vjeshta do ishte problemi më kryesor. Është krijuar një sistem i paimagjinueshëm vjedhjeje”, përfundoi ai./ CNA.al