web counter
LEXO PA REKLAMA!

SHKARKO APP

App Store
Google Play

E fundit!

x

Jorida Tabaku si “mercenare” e marrëveshjes Basha-Rama/ “Topi” në fushën e SPAK

16 Mars 2022, 09:05, Politikë CNA

Afera e inceneratorëve, e cila ka të bëjë me tre kontrata koncesionare, 22 milionë euro në Elbasan, 28 milionë euro në Fier dhe 128 milionë euro në Tiranë, është ndër më të akuzuarat, por edhe e denoncuar fort në media si Birn, Zëri i Amerikës, CNA.al.

Në lidhje me këtë aferë, tashmë ka nisur hetimi edhe nga drejtësia. Pas një hetimi të SPAK për inceneratorin e Elbasanit, është vënë në pranga ish-ministri i Mjedisit Lefter Koka.

Një aferë korruptive ku është shpallur në kërkim Stela Gugallja, si pronarja e Albtek Energy, Klodian Zoto i cili ka qënë dhe ndërtuesi i këtij inceneratori nëpërmjet kompanisë ITS, dhe është arrestuar ish-ministri i Mjedisit Lefter Koka, që ka qënë njeriu që ka firmosur këtë koncesion.

Ndërsa në hetim janë edhe dy inceneratorët e tjerë, ai i Fierit dhe i Tiranës. Por, hetimet për këta dy të fundit, duket se po ecin me hapin e breshkës.

Historia e inceneratorëve ka nisur që në vitin 2014, pra me ardhjen e Rilindjes në pushtet, dhe opozita e Lulzim Bashës ka heshtur për vite me radhë.

Por, në një kohë që SPAK ka nisur hetimet, mediat kanë denoncuar hyn në ?lojë? Lulzim Basha me të ashtuquajturin Komisioni Hetimor Parlamentar për Inceneratorët.

Pra, ndërkohë që çështja po hetohej nga organet e drejtësisë, Basha ngre një Komision Parlamentar, në krye të të cilit vë të besuarën e tij Jorida Tabaku, e cila duket se përmbushi me sukses misionin e Lulzim Bashës, për të sfumuar një nga aferat më korruptive të qeverisë.

Së pari, çështja u tentua të politizohet.

Së dyti, bëjnë një gjasme hetim parlamentar, ndërkohë që tashmë është duke u hetuar nga SPAK.

Dhe në fund mbyllet me dy raporte.

Pra, deputetët e mazhorancës socialiste dolen me një raport, dhe deputetët e opozitës me një raport me vete.

Për të mos folur për raportin e Jorida Tabakut, i cili më shumë sesa të ndalet në fakte konkrete, flet për teorira.

Për më tepër, Komisioni kishte parashikuar thirrjen e një liste të gjatë dëshmitarësh, por u mbyll me show. Dy dëshmitarët e fundit në Komision ishin kryebashkiaku i Tiranës, Erion Veliaj dhe kryeministri Edi Rama.

Dëshmia e këtyre dy të fundit nxori në dritë edhe më qartë ?misionin? të cilin kishte marrë përsipër e besuara e Lulzim Bashës.

Si Rama dhe Veliaj nuk thanë asgjë. Thjeshtë qëndruan nga 10 orë para komisionit duke bërë ?shoë? dhe teatër, ndërsa Tabaku vijonte rolin e saj.

Rama ka qënë i parapërgatitur ashtu siç ishte rasti i Veliajt, ku dukej qartazi se Tabaku ua kishte dhënë pyetjet përpara dhe gjithçka ishte e parapërgatitur.

Jorida Tabaku jo vetëm që ka treguar se Rama dhe Basha këtë herë janë edhe më afër, sepse po mbyllin një aferë shekullore, por kanë përdorur çdo mënyrë pazari, deri tek komisionet hetimore që të mbyllet historia e inceneratorëve.cna news, cna lajme, lajme cna, lajme flash cna, cna.al, cna lajme politike,

Dhe shqiptarët u detyruan të dëgjonin 10 orë kryeministrin, sepse kishte thirrur Jorida në komision një njeri i cili ka apo ska përgjegjësi morale dhe politike, dinte çfarë do të thoshtë në këtë komision hetimor.

Pa folur më tej për faktet se Jordia nuk dinte të shpjegojë çfarë janë 430 milionë eurot, çfarë janë 100 milionë eurot e paguara dhe çfarë janë 45 milionë eurot e dherave.

Pra, fakti është se Jorida e përmbushi me ?sukses? misionin e saj si mercenare e marrëveshjes Rama-Basha. U bë zhurmë, u tërhoq vëmendja nga situata politike, e në fund, dolën me dy raporte.

Por, shpresa e vetme mbetet tek SPAK. Ky institucion ka arrestuar një ministër, vetëm për inceneratorin e Elbasanit. Ndërkohë që në hetim janë edhe ai i Tiranës dhe Fierit./CNA.al

51 fakte dhe dokumente për aferën e inceneratorëve

Kush urdhëroi bankat të fshehin të dhënat e kompanive të inceneratorëve?

Inceneratorët, afera korruptive që do mbyllet me procedurë si krimet e Lulzim Bashës

Lulzim Basha nuk emërohet dot kreu i Opozitës, nga inceneratorët dhe Yuri Kim

Basha dhe Rama tentojnë të ?amnistojnë? inceneratorët/ Të pathënat e Komisionit Hetimor, tre deputetë në konflikt interesi





Lajmet e fundit nga