E fundit!

12:36 Politikë

“Ehu, muhabet l*shi”/ Manja dhe Gjiknuri, përplasje në mbledhjen e Komisionit të Ligjeve

Mbledhja e zhvilluar këtë të martë në Komisionin për Çësht...

Furnella me fitila e Lulzim Bashës në PD!

14 Prill 2022, 17:49, Politikë CNA

Lulzim Basha, njeriu ekselent i kalljes së drejtësisë me procedure, doli sot para medieve si triumfator që e lexon Raportin e DASH si recetën kuruese për të gjitha dështimet personale, si pasojë e gjumit të tij proverbial, jo vetëm politik.

Deputeti Lulzim Basha nga selia e tij tek Torre Drini vazhdon ti hedhë benzinë zjarrin në fikje brenda PD-së, me shpresën se demokratët do harrojnë udhëhqjen e tij epike nga humbja ne disfatë, do të fillojnë ta thërrasin meqë ai ka filluar të shfaqet në publik vetëm si ?Twitter-i? lëvizës i Ambasadës Amerikane.

Sot dalja e rradhës e Lulit, kishte për qëllim zëdhënien e porosive të plenumit socialistëve ku nën porositë e Edi Ramës edhe ai i kërkon SPAK-ut të hetojë Sali Berishën. Shqiptarët e kanë një Edi Ramë, por sot panë sërish se kryeministri e ka dhe një që e zevëndëson kur ai udhëton ne Azerbajxhan.

Lulzim Basha është sot nën akuzë serioze për minimin e përpjekjeve dhe nevojës së demokratëve për tu bashkuar. Celula e Lulzim Bashës sot në PD funksionon fiks si një furnellë e kohës së Enverit me vajgur. Fitilat e saj janë ‘par exellance’ Enkelejd Alibeaj dhe Gazment Bardhi të cilët do të hyjnë në historinë e kësaj partie si dy juristë mediokër që nëse do ta kishin bërë teme diplome apelimin kundër vendimit të Gjykatës së Tiranës për regjistrimin e vendimeve të 11 Dhjetorit, sot do të ishin ngelës!

Lulzim Basha nuk ka asgjë për tu ofruar demokratëve përvese daljet e tij përvjedhëse në oborrin e Kuvendit të Shqipërisë, sa herë vjen ndonjë ferman a raport nga SHBA. Ai e pati mundësin e tij për ti denoncuar të gjitha zullumet e artikuluara sëfundmi në Raportin e DASH për Shqipërinë. Por ai nuk bëri asgjë as për të ndaluar patronazhistët, as për kërkuar siguri për frenimin e shitblerjes së votës e aq më pak për shkrirjen e energjive opozitare në një, si mënyrë për të fituar zgjedhjet. Kur e pyesnin Lulzim Bashën se pse nuk i denonconte patronazhistët para 25 Prillit, ai na përgjigjes se nuk dëshironte të trembte demokratët.

Sot Lulzim Basha mundohet të shfaqet si njeriu që i dinte të gjitha, por kur e kishte mundësinë për të folur nuk bëri asgjë. Madje ai shkoi më tej. Pas 25 Prillit, njerëzit pranë tij avancuan paturpërsisht mundësinë e bashkëshqeverisjes me Edi Ramën. Lulzim Basha dhe grupi i tij parlamentar jo vetëm që e mbyllën 25 Prillin me ?procedurë? si çështje, por filluan ta trajtojnë shumicën e telendisur të mandatit të 3-të, si partner serioz. Nën këtë shëmbëlltyrë Lulzim Basha të tijtë miratuan me ?abstenim? 700 milionë euro borxh për llogari të Edi Ramës, dhe në fund të vitit të kaluar shkuan më tej kur me votë ?PRO? i dhanë frymë e jetë akoma dhe një vit e kusur komisioneve të Vettingut që kontrollohen nga Edi Rama.

Lulzim Basha nuk ka dhënë dorëheqjen nga PD, ai thjeshtë hoqi mënjanë menderen e tij nga turpi i personal i 6 Marsit, me shpresën se në 14 Prill historia do ishte harruar dhe fitilat e furnellës së tij në PD do t?ia kishin arritur ta përçanin akoma dhe më shumë partinë. Politika përçarëse e furnellës së Lulzim Bashës është grahmat e fundit të vajgurit.

Në 30 Prill gjërat në PD duhet të shkojnë në vendin e vet. Me një Këshill të ri Kombëtar, me bazën e partisë së ripërtërirë me kryetar të zgjedhur nga baza e jo të komanduar nga kunati. Me një kryesi të demokratëve dhe jo më me një organ inekzisten ?alla Lulzim Basha?. Pas 30 Prillit, PD do të çlirohet nga Lulzim Basha dhe humbësit e tij gjekmarkë, dhe dielli do të lindë përsëri!

Lulzim Bashët mund të krijojnë edhe partinë e tyre, mund edhe ti vendosin në shërbim të Edi Ramës apo 5-6 mandate që i shtrëngojnë fort. Kjo nuk do të ishte ndonjë gjë e re, thjeshtë neve që i kritikuam do na duhet të bëjmë një apologji publike për Selami Jenisherin, Keperatën e famshëm dhe Kujtim Gjuzin e lavdishëm!. Forca Lulzim!/Syri.net