E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

“Rama përzuri studentët”/ Berisha: Keni mbajtur qëndrim anti-arsimor

14 Prill 2022, 12:00, Politikë CNA

Ish-kryeministri Sali Berisha, gjatë fjalës së tij sot në Kuvend, është ndalur tek problematika e arsimit të lartë në vend. Berisha akuzoi qeverinë Rama si më shkatërrimtaren e arsimit të lartë dhe solli në vëmendje rastin e kërcënimit të kandidatit për rektor nga Emiljano Shullazi.

?Ju nuk keni harruar kur kandidati për Rektor ndonëse absolutisht i njohur për bindjet e tij të majta, por njeri që nuk mund të bënte, të jepte kampusin e universitetit – paradhënieve bandave, u ndal në mes të sheshit nga famozi Shullazi dhe iu tha: ?Dorëheqje ose kokën ose djalin peng? në emër të Edi Ramës.?-tha Berisha.

Po ashtu Berisha tha se ?Sot, universitetet e rretheve janë në proces falimentimi dhe mbylljeje. Shkak i të gjitha këtyre është largimi masiv nga një politikë antikombëtare e intimidimit dhe vrasjes së shpresës tek shqiptarët.

Shkak tjetër themelor, përpjekja për t?u kthyer në sistemin selektiv atëror të pranimit në universitete me mesatare.

Shkak tjetër është degradimi i sistemit mësimor për shkak të armatës së militantëve që kanë zëvendësuar profesionistët me portalin e partisë, kur largohen mësues me eksperiencë dhe vendosen militantë që vetëm njohuri për arsimin nuk kanë.

Shkak tjetër është ligji famëzi i Arsimit të Lartë, i financuar me çanta me euro nga sektori privat dhe që ndër të tjera, rriti tarifat për student në universitet duke i bërë më të larta disa herë se në Gjermani, Austri, Slloveni, Sllovaki dhe thuajse në të gjitha vendet e Europës përveç Britanisë së Madhe dhe Holandës.

Bllokimi për vite të tëra i doktoraturave në universitete dhe alergjia e xhahilëve ndaj doktorimit të ekspertëve në universitet tona është shkak tjetër i degradimit me shpejtësi të arsimit.

Infiltrimi i falangave të krimit në botën akademike për të terrorizuar akademikët përbën një nga aktet më të shëmtuara në historinë e një vendi.

Ju nuk keni harruar kur kandidati për Rektor, ndonëse absolutisht i njohur për bindjet e tij të majta, por njeri që nuk mund ta bënte të jepte kampusin e universitetit – paradhënieve bandave, u ndal në mes të sheshit nga famozi Shullazi dhe iu tha: ?Dorëheqje ose kokën ose djalin peng? në emër të Edi Ramës, se ai donte me çdo kusht të emëronte Rektore një zonjë me të cilën rakordohej për çdo tender për kampusin universitat.

Si mund të flisni sot këtu ju për universitetet?! Ju duhet të ulni kokën nëse ju ka mbetur ndonjë gramë respekt. Nuk ka pasur ndonjë qeveri më shkatërrimtare në arsim se qeveria juaj!?/CNA.al