web counter
LEXO PA REKLAMA!

SHKARKO APP

App Store
Google Play

E fundit!

x

Video- Sot në krah të njëri-tjetrit/ Si “Babalja” sulmonte Berishën në Kuvend për Reformën në Drejtësi

5 Korrik 2022, 15:49, Politikë CNA
Video- Sot në krah të njëri-tjetrit/ Si “Babalja”
Sali Berisha dhe Ervin Salianji

Kryetari i Partisë Demokratike, Sali Berisha dhe “Babalja” e Lulzim Bashës, Ervin Salianji duket se kanë lënë pas ‘mëritë’ duke u hedhur në mbrojtje të njëri-tjetrit.

Madje ditën e djeshme, kur Salianji do të dilte para Gjykatës së Apelit për çështjen “Babale”, Berisha doli në një konferencë të posaccme për mediat, ku do të mbronte atë që dikur i kërkonte dorëheqjen nga drejtimi i PD. Berisha gjithashtu, mobilizoi edhe të tijët, për t’i ardhur në mbrojtje “Babales”.

Berisha, me sa duket po i kthen “reston” Salianjit, për “mbrojtjen” që i bëri, kur e përjashtuan nga grupi parlamentar i Partisë Demokratike.

Por kush nuk e kujton sherrin e Berishës me Salianjin në Kuvend, në shkurt të këtij viti, kur Berisha nxorri një video të Lulzim Bashës, ndërsa ‘Babalja’ tentoi që ta bënte bashkëfajtor për Reformën në Drejtësi.

Gjithashtu në protestën e 8 Janarit 2022, Ervin Salianji u fotografua me shkop në dorë, dhe që dyshohet se ka dhunuar demokratët para selisë së PD.

Edhe në lidhje me zgjedhjet e pjesshme vendore të 6 Marsit, Ervin Salianji deklaronte se grupi i Bashës do fitonte gjashtë bashkitë.

“Ne do të dalim të parët, do të fitojmë 6 bashkitë. Partia Demokratike do të fitojë 6 bashkitë në të cilat është në garë. Partia Demokratike ka marrë aq vota sa me gjithë represionin, me gjithë blerjen, me gjithë masakrën zgjedhore, diferenca është shumë më pak se sa votat e pavlefshme se sa mandatet e atyre që janë non grata”, deklaroi Salianji në atë kohë.

Pas 6 Marsit, ku grupi i Bashës humbi në mënyrë të turpshme, ku jo vetëm që nuk morën asnjë bashki, por u katandisën forcë e tretë politike, Ervin Salianji “kapërcen ylberin”, duke dalë kundër Bashës dhe kërkuar këtij të fundit dorëheqjen.

Por, pasi doli kundër Bashës, “Babalja” tashmë duket se ka ngrënë “turpin me bukë”, dhe është bashkuar me Berishën duke i harruar akuzat ndaj njëri-tjetrit./CNA.al

 

 
 

 





Lajmet e fundit nga