LEXO PA REKLAMA!

SHKARKO APP

Protesta e 7 korriku/ Mustafaj: PD duhet të tregojë forcën. Te Rama shoh frikë

5 Korrik 2022, 20:22, Politikë CNA
Protesta e 7 korriku/ Mustafaj: PD duhet të tregojë forcën. Te
Ish-ministri i Jashtëm, Besnik  Mustafaj

Ish-ministri i Jashtëm, Besnik Mustafaj, e ka cilësuar një moment pozitiv thirrjen e protestës së 7 korrikut, nga kryetari i PD-së Sali Berisha.

I ftuar në studion e "Radar Informativ", Mustafaj tha se shqiptarët i kanë humbur ndjeshmëritë e protestës. “Shoqëria po bie gjithnjë edhe më shumë në një pozitë pasiviteti”, theksoi ai.

Por përse zgjodhi të protestojë tani Berisha? Sipas tij, PD ka nevojë të tregojë forcën mobilizuese që ka bërë gjatë kësaj periudhe.

Besoj se do të shkonte shumë gjatë vera. Opozita ka nevojë të tregojë përpara pushimeve edhe forcën mobilizuese që ka. Është e dobishme për ta filluar vjeshtën me energji të reja”, tha ai.

I pyetur se përse deputetët që nuk janë me Berishën, nuk pranuan të përfshihen në grupet e punës, Mustafaj thotë se po bëjnë gabim. Ai shprehet që ata presin që ish-kryeministri të negociojë individualisht me ta.

Për mua është tregues i hezitimit. Po bëjnë një gabim serioz. Unë i kam miq. Ata presin që Berisha të negociojë me ta individualisht. Berisha nuk e bën kurrë këtë. Qasja që pati duke i përfshirë në grupet e punës ishte tregues se i quan të vetët. Për mua ishte një hap që nuk duhet ta lënë”, theksoi ai.

Lidhur me deklaratat e Berishës, i cili shprehet vazhdimisht me bindje se Rama do të largohet, Mustafaj thekson se për herë sheh frikë te kreu i qeverisë.

Unë e njoh Berishën, edhe në ‘97 dhe ‘98. Berisha në të njëjtën gjuhë fliste. Ai është i sinqertë i beson ato që thotë. Ajo që më bën të besoj te ato që thotë Berishës është frika që shoh te Edi Rama. Për herë të parë po insiston të përdorë SPAK por ta nxjerrë nga fusha e betejës Berishën”, theksoi Mustafaj./CNA.al

Lajmet e fundit nga