LEXO PA REKLAMA!

SHKARKO APP

Balluku: Është zbuluar një arterie e rëndësishme nafte dhe gazi, kjo është faza finale

5 Korrik 2022, 20:35, Politikë CNA
Balluku: Është zbuluar një arterie e rëndësishme nafte
Belinda Balluku

Ministrja e Infrastrukturës dhe Energjisë, Belinda Balluku, konfirmoi informacionin se Shell ka gjetur naftë dhe gaz në malin e Shpiragut në Berat.

Në një intervistë për "Euronews Albania", Balluku u shpreh se në mars të vitit 2023 do të ketë më shumë detaje për këtë zbulim.

“Sot, në fazën finale të eksplorimit deri në mars të vitit 2023, pritet të ketë një analizë të hollësishme të mënyrës se si ky hidrokarbur do të dalë nga nëntoka. Pra, që Shell ka goditur tashmë një arterie shumë të rëndësishme, e cila është e përbëre nga naftë dhe gaz, ky është një fakt. Në këto momente, faza finale është faza analitike e mënyrës se si do të nxirret i gjithë ky hidrokarbur në mënyrë eficiente”, theksoi ajo.

Sipas Ballukut, kjo kërkon një plan shumë të mirë pune, të cilën Shell do t’ia dorëzojë ministrisë në fillim të vitit të ardhshëm.

Balluku theksoi se ky zbulim i rëndësishëm i Shell në zonën e Shpiragut do të pasohet nga një investim i rëndësishëm,  rreth 6-7 miliardë euro, që ka për synim ngritjen e infrastrukturës dhe logjistikës që do të shërbejë për nxjerrjen, përpunimin dhe shpërndarjen e hirdokarbureve të zbuluara në këtë zonë.

Lajmet e fundit nga