LEXO PA REKLAMA!

SHKARKO APP

E fundit!

x

Këlliçi: Inceneratorët drejtohen nga një grup i strukturuar kriminal, Rama arkitekt, Veliaj zbatues

5 Korrik 2022, 21:14, Politikë CNA
Këlliçi: Inceneratorët drejtohen nga një grup i
Anëtari i Kryesisë së Partisë Demokratike, Belind Këlliçi

Anëtari i Kryesisë së Partisë Demokratike, Belind Këlliçi, i ka cilësuar si grup të strukturuar kriminal, personat që fshihen pas aferës së inceneratorëve.

Këlliçi tha se ky grup kriminal drejtohet nga kryeministri Edi Rama dhe kryetari i Bashkisë së Tiranës, Erion Veliaj.

Sipas tij, Rama është arkitekti, ndërsa Veliaj është zbatuesi.

Gjithashtu, ai theksoi në emisionin “A Krasta Show” se nëse drejtësia e re ka vullnet për t’i shkuar deri në gjysmë zbulimit të kësaj afere, minimalisht bie në rrjet Erion Veliaj.

“Tani dalin edhe inceneratorët, një aferë korruptive që ne e kemi thënë, është pastër një grup i strukturuar kriminal, jemi sulmuar fillimisht dhe po shohim që është një grup i strukturuar kriminal që drejtohet nga Rama dhe Veliaj. Nëse drejtësia e re ka vullnet për t’i shkuar deri në gjysmë, bie në rrjetë Erion Veliaj, minimalisht. Edi Rama është arkitekti, por Veliaj është zbatuesi”, theksoi deputeti./ B.A. – CNA.al

Lajmet e fundit nga