web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët/ Kryebashkiaku i Elbasanit duhet të thirret në SPAK

3 Gusht 2022, 10:15, Aktualitet CNA

Inceneratorët/ Kryebashkiaku i Elbasanit duhet të thirret në SPAK

Kryebashkiaku i Elbasanit, Gledian Llatja, dje në një intervistë për "Euronews" ka deklaruar se inceneratori i Elbasanit është në fazë remonti dhe po përdoret për landfill.

“Momentalisht, kemi filluar remontin, jemi në fazën e remontit. Ka një moment remonti periodik vjetor. Që kur u mor u ndez, filloi punën tani po përgatitemi, jemi në fazë remonti. Remonti nënkupton, është sikur të çosh makinën në servis. Momentalisht është i fikur, është i gjithë stafi në punë, është duke u bërë remonti i gjithë sistemeve të vogla. Për djegien e mbetjeve po përdoret impianti, impianti nuk është vetëm inceneratori. Ka pjesën e trajtimit të landfilldit, ka pjesën e cila depoziton qelqet, ka disa struktura impianti, momentalisht po përdoret impianti”, ka deklaruar Llatja.

Në fakt, historia e inceneratorëve, kështu do të shkojë, me gënjeshtra, me remonte, për të cilat kryebashkiaku duhet të paraqitet t'i deklarojë në SPAK, sepse po ndodhin aktualisht.

Pasi inceneratori ishte i ri, ai ishte i ndezur dhe gjoja funksiononte. Në fakt nuk është bërë kurrë funksional i plotë.

Kjo për disa arsye.

Së pari, Gledian Llatja gënjen dhe duhet të paraqitet në SPAK për të thënë të vërtetën, sepse inceneratori është fikur për një arsye tjetër, për shkak të kostove të cilat me çmimin e vjetër të naftës, shkonin deri në 100 mijë euro në muaj për t’u mirëmbajtur.

Së dyti Llatja ka treguar se inceneratori është një dështim dhe duhet landfillimi, një proces që Qeveria shqiptare e filloi në vitet 2013-2014 me disa institucione bankare ndërkombëtare, por u tërhoq duke gjetur zgjidhjen e inceneratorëve.

Tri pikat për të cilat Llatja duhet të japë llogari

Inceneratorët/ Kryebashkiaku i Elbasanit duhet të thirret në SPAK

Gledian Llatja flet për remont.

E para, si mund të futet në remont një objekt i ri, që s’ka funksionuar asnjë ditë?

E dyta, me çfarë parash po bëhet remonti?

E treta, mos është fikur inceneratori se s’ka para për të paguar naftën, pasi me çmimet e vjetra të naftës, atëherë kur plasi skandali, kostoja mujore ishte gati 100 mijë euro në muaj me dyfishimin e çmimit të naftës kostoja mujore shkon 200 mijë euro.

Pra, Llatja duhet të përgjigjet, se çfarë remonti po i bëhet një investimi 22 milionë euro, i cili nuk ka punuar një ditë të vetme me kapacitet të plotë?

Inceneratorët/ Kryebashkiaku i Elbasanit duhet të thirret në SPAK
Inceneratori 22 milion euro i Elbasanit

Në rast se paska problem për remont a ka garanci ky incenerator, pasi kur blihet një mall ai ka afatet e garancisë, standardet, shërbimet dhe të tjera.

Inceneratori i Elbasanit s’ka punuar kurrë me kapacitet të plotë, nuk është përdorur kurrë për të kryer funksionin që ka.

Pra, është një incenerator që blihet dhe hyn në remont pa punuar.

Gledian Llatja është përballë faktit, që ka gënjyer publikisht ose po përpiqet të mashtrojë hetuesit, prokurorët, të cilët kanë arrestuar një ministër dhe një sekretar të Përgjithshëm për korrupsionin me inceneratorët, që realisht nuk duhet quajtur i tillë, por një kazan me naftë, që do t’i kushtojë Bashkisë së Elbasanit, 1.5 milionë euro në vit, vetëm mbajtja ndezur.

Pa folur për kostot e bashkive të tjera, për transportin e mbetjeve e kështu me radhë.

Por, të paktën Llatja ka pranuar një të vërtetë, landfillin dhe tani duhet të përgjigjet në SPAK për gënjeshtrën publike por edhe për faktin përse është hequr dorë nga landfilli dhe është ndërtuar një incenerator, i cili nuk punon dhe kur nuk punon i bëhet remont./CNA.al





Lajmet e fundit nga