E fundit!

09:54 Kosova & Bota

Europa përfshihet nga vala e të nxehtit, Italia në alarm me temperatura deri në 45°C

Një valë e fuqishme të nxehti ka përfshirë Italinë dhe...

Kur do të japin dorëheqjen Kumbaro dhe Çuçi?!

2 Gusht 2022, 21:23, Aktualitet CNA

Tragjedia e rëndë e ndodhur në Himarë, ku një vajzë e vogël humbi jetën duke u larë në breg të detit, nga skafi, i cili drejtohej nga një polic, ka shokuar mbarë opinionin publik.

Kjo është një nga ato ngjarjet e rënda, për të cilën nuk mund të ketë njëri që s’ka derdhur lotë.

Nuk mund të ketë njëri, që s’ka vënë duar në kokë dhe ka kthyer edhe njëherë sytë e pashpresë nga shteti, duke pyetur ç’po ndodh kështu.

Ç’po ndodh në këtë vend? Rasti i dytë i njëjtë, ende pa u bërë dy javë.

A do të ketë ndonjëherë shtet këtu?

A do të zbatohet ndonjëherë ai dreq ligji?

Mirë nga kriminele e trafikantë nuk zbatohet, por të paktën nga zyrtarët e tij, nga ata që paguhen me taksat tona.

Paguajmë një polic, për të na ruajtur dhe sjellë qetësi, ndërkohë që ai na vret.

Besojmë e kanë “parë” lajmin e rëndë, Ministri i Brendshëm Blendi Çuçi dhe Ministrja e Turizmit Mirela Kumbaro!

Çudi, nuk kanë bërë asnjë deklarëtë deri më tani! (Se para tri ditëve ministrja Kumbaro, në një status në "Facebook", na reklamonte punën e mirë që bënte policia për bllokimin e mjeteve të ujit pa dokumente).

Nuk ju ka ardhur keq?

Nuk kanë pyetur ore ç’po bëhet kështu, kush e ka fajin.

A ndihen fajtorë titullarët tanë për skandalet që s’kanë fund?

Mirë për ato ekonomike, nuk po pyesim më, se jemi mësuar, por kur na vrisni fëmijet, kur na rrezikoni çdo ditë jetën dhe pa pikë turpi, dilni dhe trumbetoni me të madhe për suksese. As tani nuk e ndieni të nevojshme të flisni.

Jo me fjalë, me vepra.

Çfarë duhet të ndodhe tjetër në këtë vend që ministri Çuçi dhe Kumbaro të japin dorëheqjen?!

Po të kishte ndodhur kjo ngjare e rëndë në ndonjë vend tjetër të Europës, të cilët ata shpesh herë sjellin si shembur që ne po ju afrohemi në zhvillime, jo dorëjeqje ministrash po besojmë gjysma e Policisë së Shtetit do ishte shkrirë.

Se nuk kalojnë sot serbes- serbes skafet në breg të detit, nuk ishte vetëm ky rast që shkaktoi këtë tragjedi të rëndë, raste të tilla janë të përditshme dhe mjaft shqetësuese, për këtë denoncimet nuk kanë reshtur asnjë minut.

Trumbetoni çdo ditë suksese dhe zhvillime të këtij vendi, duke u krenuar se do shkojmë drejt Europës, por duhet të dini se nuk shkohet drejt Europës duke u fshehur pas gishtit dhe duke u shfajësuar, por duke bërë shtet dhe duke nxjerrë para ligjit përgjegjësit.

Përgjegjësi të cilën duhet ta nisni nga vetja.

Si prind, si njerëz, si ministra çfarë duhet të ndodhe tjetër që ju të ndjeni përgjegjësi dhe të jepni më të paktën dorëheqje./CNA.al