web counter
LEXO PA REKLAMA!

SHKARKO APP

App Store
Google Play

Tragjedia e Himarës/ Ministrja Kumbaro na tregon sukseset e policisë nga "Facebook"-u

2 Gusht 2022, 19:51, Aktualitet CNA

Tragjedia e Himarës/ Ministrja Kumbaro na tregon sukseset e policisë

Tragjedia e Himarës ditën e sotme ku një vogëlushe 5-vjeçare humbi jetën pasi u përplas nga një gomone në breg të detit, tregoi edhe njëherë se shteti nuk funksion dhe se gjithçka thuhet dhe bëhet është thjeshtë fasadë.

Kjo tragjedi e rëndë dëshmoi se shteti nuk është atje ku duhet, por bën propaganda nga ajri i kondicionuar nëpërmjet statuseve në "Facebook".

Tri ditë më parë ishte ministrja e Turizmit Mirela Kumbaro, e cila nëpërmjet një postimi na tregonte vigjilencën e Policisë së Shtetit, e cila po ndëshkon dhe dënon shkelësit e ligjit kryesisht ata që lëvizin me mjete lundruese.

Çfarë shkruante Kumbaro 3 ditë më parë:

"Patrullimi gjatë gjithë kohës i bregdetit  nga Policia e Shtetit  që së fundi ka bllokuar edhe  mjete të tjera lundruese duke ndëshkuar pronarët e tyre të cilët kryen manovra të rrezikshme në plazhin e Ksamilit. 

Vetëm në korrik janë ndëshkuar 25 drejtues të mjeteve lundruese, nga të cilat 3 janë bllokuar 

Me thirrjen për gjithë pushuesit që sa herë të shohin kundravajtje të tilla t’i denoncojnë në Polici për #NjëBregdetTëSigurt". /CNA.al





Lajmet e fundit nga