E fundit!

20:27 Politikë

“Ai për investimet strategjike do të shfuqizohet”/ Rama tregon çfarë do të ndodhë me ligjin për zonat e mbrojtura

Kryeministri Edi Rama është shprehur në konferencën ndërqe...

Bujqësia, përballë kushteve të reja të klimës

2 Gusht 2022, 15:35, Aktualitet CNA

Bujqësia, përballë kushteve të reja të klimës

Foto ilustruese

Të gjithë mund të konstatojmë sot një klimë krejt të ndryshme nga ajo e të paktën tri dekadave më parë. Një verë më e gjatë, më e nxehtë e më e thatë. Një dimër më i butë, pa ngrica dhe gjithnjë e më pak dëborë. Ndërsa reshjet e shiut më të rralla, dhe jo të shtrira në kohë dhe agresive kur bien, si pasojë e përqendrimit. Por jo të gjithë e përjetojnë njësoj këtë ndryshim klimatik. Sektori i bujqësisë është ai që ndodhet në vijën e parë të “frontit” në betejën më këtë faktor të pamëshirshëm, sic është natyra.

Sfida e parë e bujqësisë është përshtatja e saj në kushtet e reja të klimës.

Për të informuar fermerët për ndryshimet e klimës dhe impaktet e drejtëpërdrejta të tyre në bujqësi, organizata Forumi i Mendimit të Lirë po organizon takime informuese dhe ndërgjegjësuese nëpër disa bashki. Ekspertët e bujqësisë dhe klimës, u thanë fermerëve në Dvoran të Korcës dhe Darzezë të Fierit, se ndryshimet e klimës kanë cuar në reduktimin e sasisë së ujit, kanë rritur numrin e sëmundjeve dhe dëmtuesve bujqësorë, madje kanë cuar deri në ndryshimin e cikleve biologjike të jetës së bimëve.

Duke ndryshuar kohën e mbjelljes, atë të lulëzimit dhe pjekjes. Kjo, sipas tyre, shpjegon edhe dështimet që po ndodhin në disa kultura, pasi kushtet e klimës, kryerisht nxehtësia dhe ajri i thatë nuk lejojnë pllenimin e luleve.

Specialistët e bujqësisë sygjeruan ndjekjen e disa praktikave dhe veccanërisht këshillave përe të mos mbjellë më bimët sipas një afati tradicional, por duke u këshilluar me agronomët, si dhe të adaptojnë metoda të reja ujitjeje që cojnë në kursimin e ujit.

Projekti “Përshtatja e bujqësisë, si sfidë përballë ndryshimeve të klimës” zhvillohet në kuadër të Green-AL, një projekt i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN, Instituti për Zhvillimin e Habitatit në bashkëpunim me CISP Sviluppo dei Popoli, VIS Albania dhe COSV - Cooperazione per lo Sviluppo./CNA.al