web counter
LEXO PA REKLAMA!

SHKARKO APP

App Store
Google Play

Harxhi: Rama të dënojë situatat provokuese serbe në Kosovë dhe retorikën “denazifikuese” të Vuçiçit dhe Putinit

1 Gusht 2022, 22:26, Aktualitet CNA
Harxhi: Rama të dënojë situatat provokuese serbe në
Anëtarja e Kryesisë së PD-së,Edith Harxhi

Anëtarja e Kryesisë së PD-së, Edith Harxhi, ka reaguar lidhur me situatën e fundit të ndodhur në kufirin mes Kosovës dhe Serbisë.

Në një postim të saj në "Facebook", Harxhi është shprehur se reciprociteti për Kosovën është shumë i rëndësishëm, por i vonuar. Duke kritikuar qëndrimin e qeverisë shqiptare, Harxhi tha se qeveria e Shqipërisë ka ndihmuar në vuçiçizimin e Ballkanit. Sipas saj, Rama duhet të dënojë situatat provokuese serbe në Kosovë dhe retorikën “denazifikuese” të Vuçiçit dhe Putinit.

Postimi i plotë:

"Reciprociteti për Kosovën është shumë i rëndësishëm por i vonuar.

Fatkeqësia është që qeveria e Shqipërisë, këto vite ka ndihmuar në Vuçiçizimin e Ballkanit, pikërisht për të fshehur problemet e saj të brendëshme, por Vuçiçi nga ana tjetër është kthyer në levën e Putinit në Evropë.

Me mbështetjen amerikane dhe ndërmjetësimin europian, pa përfshirjen e Shqipërisë paternaliste të Edi Ramës, dhe pa nismën famëkeqe të Ballkanit të Hapur, Kosova do të mund të shpëtojë nga një ndërhyrje dhe luftë që do na çonte të gjithëve në humnerë.

Për këto arsye, Edi Rama duhet të dënojë sa më parë çdo situatë provokuese serbe në Kosovë dhe retorikën “denazifikuese” të Vuçiçit dhe Putinit. Nëse nuk e bën, Shqipëria do vazhdojë të venitet si faktor në Ballkan dhe do të mbetet thjeshtë një republikë “bananesh nga Ekuadori” dhe një lodër e lobingjeve globaliste.

Deklarata e Ambasadorit Amerikan në Prishtinë flet më shumë se çdo deklaratë e ditës. Çdo vendim i institucioneve të Kosovës është bërë në konsultim me SHBA-në. Ambasadori Amerikan në Prishtinë, dënon dhunën dhe barikaduesit në veri të Kosovës", tha Harxhi./CNA.al

 





Lajmet e fundit nga