web counter
LEXO PA REKLAMA!

SHKARKO APP

App Store
Google Play

E fundit!

x

Rritje e çmimit të biletës ose mbyllje e shërbimit/ Transporti në krizë, Qeveria “merr” pushimet

1 Gusht 2022, 14:38, Aktualitet CNA

Rritje e çmimit të biletës ose mbyllje e shërbimit/

Paketa Antikrizë 2, pritet  të miratohet në vjeshtë, në nisje të sesionit të ri parlamentar.

Ndërkohë, kostoja e shtyrjes së miratimit të kësaj pakete bie direkt mbi qytetarët.

Do të jenë qytetarët që do ta pësojnë në çdo aspekt.

Një ndër sektorët që ka evidentuar INSTAT dhe që ka pasur rritje të çmimit është transporti.

Të gjitha gjasat tregojnë se çmimet në grupin e Transportit do të rriten sërish.

Biletat pritet të shtrenjtohen si në transportin qytetas ashtu edhe në atë ndërqytetas.

Pak kohë më parë, Unioni i Transportit Publik i ka kërkuar qeverisë ndërhyrje të menjëhershme për të vijuar me paketën antikrizë ose në të kundërt rritjen e biletës së udhëtarëve.

Sipas Unionit nuk mund të pritet shtatori, Qeveria duhet të ndërhyjë në mënyrë urgjente, pasi për shkak të çmimeve të larta të karburantit, rrezikohet mbyllja e shërbimit.

Kujtojmë se në paketën e parë të Rezistencës Sociale qeveria ndau 500 milionë lekë për kompensimin e rritjes së çmimit të transportit publik.

Fondi u përdor për të kompensuar 100 lekë/litër naftë të deklaruar si shpenzim pranë DPT, sipas një tavani mujor nevoje për secilin operator të transportit publik të udhëtarëve, qytetës, rrethqytetës e ndërqytetës të linjave të licencuara nga DPSHTRR, MIE dhe Bashkitë, për një periudhë 3-mujore (prill-qershor).

Gjithashtu në fillim të këtij viti për 11 operatorët e transportit urban të Tiranës u miratua fondi prej 1,3 mld lekë për të kompensuar rënien e numrit të pasagjerëve deri në 55% në pandemi. Shpërndarja e kompensimit nga Bashkia e Tiranës u vendos të jetë për periudhë 6-mujore./CNA.al





Lajmet e fundit nga