LEXO PA REKLAMA!

SHKARKO APP

Leximi digjital i pasaportës në Rinas/ Nga sot, qytetarët shmangin kontaktin me policin

1 Gusht 2022, 09:23, Aktualitet CNA

Leximi digjital i pasaportës në Rinas/ Nga sot, qytetarët

Ashtu siç paralajmëruan Kryeministri Edi Rama dhe zëvendëskryeministrja Belinda Balluku, qytetarët do të shmangin kontaktin me policin në 8 portat e reja hyrëse të terminalit të ri me anë të leximit digjital të pasaportës në barrierat digjitale.

Nga sot, të gjithë qytetarët me pasaportë shqiptare që vijnë në aeroportin e Rinasit nuk do të kenë lexim manual të pasaportës nga polici që i sheh në sy e sheh pasaportën, por do të kalojnë në barrierën digjitale me leximin digjital, proces që zgjat më pak se gjysmë minuti.

Kjo do të lehtësojë fluksin e hyrjeve. Kjo vlen edhe për qytetarët e BE-së, SHBA-së, Britanisë së Madhe e Kanadasë. Për të tjerët do të ketë proces kalimi me lexim manual të pasaportës

“Është një investim shumë i mirëpritur pasi aeroporti po përballej me një presion të jashtëzakonshëm të rritjes së fluksit të pasagjerëve. Sot ky terminal i ri i ndërtuar në kohë rekord, i munguar prej shumë vitesh për shkak të një marrëveshjeje koncesionale të trashëguar me mjaft probleme, që nuk i qëndroi korrekt detyrimeve as për treminalin e ri, zgjatimin e pistës apo vendqendrimeve të reja në pistë, sot është bërë realitet”, dekklaroi një ditë më parë Rama./CNA.al

Lajmet e fundit nga