web counter
LEXO PA REKLAMA!

SHKARKO APP

App Store
Google Play

Balluku prezanton projektet/ Dy lajmet e mira për aeroportin e Rinasit

31 Korrik 2022, 20:12, Aktualitet CNA
Balluku prezanton projektet/ Dy lajmet e mira për aeroportin e Rinasit
Zv.kryeministrja dhe ministrja e Infrastrukturës, Belinda Balluku

Zv.kryeministrja dhe ministrja e Infrastrukturës, Belinda Balluku, ka treguar dy projektet që synojnë të zhvillohen në Aeroportin Ndërkombëtar “Nënë Tereza”.

Balluku tha se njëri prej projekteve është riveshja e pistës së aeroportit dhe tjetri shtimin e pistës.

“Shifrat tregojnë trend në rritje të numrit të qytetarëve të huaj që duan të vizitojnë Shqipërinë por edhe qytetarëve shqiptarëve që udhëtojnë nga Shqipëria dhe që kthehen sërish në vendin e tyre. Pikërisht, këtij fluksi në rritje, por edhe nevojave për shërbim më cilësor ndaj të gjithë këtyre kategorive të udhëtarëve, jemi përpjekur t’i paraprijmë me këto investime. Në kontratën e re që u firmos për koncesionin, kemi parashikuar që investimi të arrijë deri mnë 100 milionë euro, por të gjitha gjasat janë që ky investim do të shkojë shumë më tepër. Sot vizituam me kryeministrin edhe 4 vend qëndrimi të reja numrit 17 që kemi pasur deri më sot dhe bëhet aeroporti i Tiranës me 21 vendqëndrime.

Dhe për më tepër, jemi duke u përgatitur që gjatë stinës së dimrit, të bëjmë riveshjen e pistës, sipas të gjitha kushteve të kërkuara. Por edhe një lajm shumë të mirë, që e kemi thënë prej kohës, por do të marrë jetë, shtimin e pistës së aeroportit të Tiranës. Tirana pasi të përfundojë të gjitha investimet do të kalojë në aeroport 4E”, theksoi ministrja./ B.A. – CNA.al





Lajmet e fundit nga