web counter
LEXO PA REKLAMA!

SHKARKO APP

App Store
Google Play

Sulmi kibernetik/ Ironizon Artan Hoxha: Qerrata Saliu i bën të gjitha, sulmon si hacker me tablet në dorë

30 Korrik 2022, 17:49, Aktualitet CNA
Sulmi kibernetik/ Ironizon Artan Hoxha: Qerrata Saliu i bën të gjitha,
Gazetari Artan Hoxha

Gazetari Artan Hoxha ka ironizuar një shkrim të publikuar në mediat e Carlo Bolinos, i cili akuzonte kryetarin e PD-së, Sali Berisha, si personin që fshihej pas sulmit kibernetik të platformave qeveritare.

Me anë të një statusi në rrjetet sociale, Hoxha thotë se qerrata Saliu i bën të gjitha.

Mes ironisë, ai kërkon që njerëzit të imagjinojnë sesi Berisha sulmon si hacker me tablet në dorë e-albanian, ndërsa maskohet herë si njerëzit e liderit Suprem të Iranit, Ajatollahu Ali Khamenei dhe herë si mercenarët çeçenë të presidentit rus, Vladimir Putin.

“Thashë unë, do jetë ndonjë peshk i madh aty brenda, se nuk ka mundësi që Irani me Rusinë të vetëm, të zbythin mbrojtjen e tipit bunker antiatomik të AKSHI-t dhe e-Albania.

Ai qerrata Saliu i bën të gjitha.

Imagjino Saliun 80 vjeç, në moshën e Pinoçetit, që sulmon si hacker me tablet në dorë mbrojtjen kibernetike të e-albanias.

Herë maskohet me çallme si qafir nga ata të Ajatollahut të Iranit dhe herë vesh kamoflazh si mercenarët çeçenë të Putinit”, shkruan gazetari./ B.A. – CNA.al

Sulmi kibernetik/ Ironizon Artan Hoxha: Qerrata Saliu i bën të gjitha,





Lajmet e fundit nga