web counter
LEXO PA REKLAMA!

SHKARKO APP

App Store
Google Play

Hetimet për trafikun e kokainës/ Policia nuk shkon dot tek organizatorët

29 Korrik 2022, 21:52, Aktualitet CNA
Hetimet për trafikun e kokainës/ Policia nuk shkon dot tek
Foto ilustruese - Drogë e kapur në portin e Durrësit

Për 49 arkat  të cilat mungojnë në kontejnerin e ardhur nga Ekuadori me banane 10 ditë më parë nuk ka asnjë të arrestuar.

Gjykata e Durrësit liroi të enjten 5 punonjësit e sigurisë së portit dhe 2 punonjësit e kompanisë që kishte porositur bananet.

Në arkat që janë zhdukur dyshohet se kishte kokainë dhe është grabitur nga trafikantët.

Por kjo nuk është hera e parë që prokuroria nuk mund të shkojë përtej punonjësve të thjeshtë të portit dhe firmave.

Në 28 dhjetor të vitit të kaluar një kamion i cili po transportonte bananet nga porti ne magazinën e një kompanie në Vaqarr në kryeqytet u grabit.

Autorët nuk mund ta merrnin të gjithë kokainën duke lënë aty 7 arka me 119 kilogramë e cila u sekuestrua nga policia.

Ende nuk dihet se sa arka arritën të marrin autorët.

Policia arrestoi 2 punonjës të portit , 1 agjent doganor dhe dy shoferë të kompanisë që kishte porositur bananet nga Ekuadori.

Më 18 qershor u kapën në portin e Durrësit 325 kg kokainë që kalonte transit në territorin shqiptar me destinacion Italinë. Droga u gjet në serbatorin e një kamioni me targa të huaja.

Policia arrestoi shoferin pa shkuar dot tek organizatorët.

Më 10 prill 2021, një tjetër sasi prej 134 kg u gjet në një konteiner të mbushur me banane për llogari të kompanisë “Masabi Fruits” me seli në kryeqytet. Ngarkesa u gjet në anijen “Dance”, që u nis nga Ekuadori.

U arrestuan dy administratorët e firmës por që u liruan më pas.

Sasia më e madhe e sekuestruar deri më tani është ajo e 27 shkurtit të  2018, ku në kontejnerit me banane, të porositur nga Arbër Çekaj, u gjetën 613 kg kokainë.

Çekaj u dënua së bashku me administratorin e firmës dhe shoferin.

Ai akuzoi prokurorinë dhe policinë se nuk la që kontejneri të shkonte në desticionin final duke qenë se ai nuk është pronar i tij./ Euronews Albania





Lajmet e fundit nga