LEXO PA REKLAMA!

SHKARKO APP

Zjarret në Dropull e Finiq/ Greqia i përgjigjet sërish Shqipërisë me dy avionë

31 Korrik 2022, 19:29, Aktualitet CNA
Zjarret në Dropull e Finiq/ Greqia i përgjigjet sërish
Foto ilustruese

Pas shuarjes së zjarreve në ishullin e Sazanit dhe Malin e Çikës, Greqia i është përgjigjur në mënyrë të menjëhershme kërkesës së bërë nga Shqipëria në Mekanizmin e Mbrojtjes Civile të Bashkimit Europian.

Agjencia e Mbrojtjes Civile shqiptare njofton se falë punës së palodhur të strukturave të mbrojtjes civile dhe reagimit të shpejtë të fqinjëve tanë grekë me dy avionë PZL M18 u bë e mundur shuarja e zjarrit në zonën e Dropullit dhe shmangia e rrezikut për banesat.

Sipas Ministrisë së Mbrojtjes, aktualisht dy avionët grekë po ndihmojnë forcat zjarrfikëse dhe strukturat e Mbrojtjes Civile për shuarjen e zjarrit në bashkinë Finiq.

Mekanizmi i Mbrojtjes Civile Europiane ka përqendruar në Greqi një pjesë të resurseve të tij, për t’u ardhur në ndihmë shteteve europiane në periudhën e verës, kur edhe risku nga zjarret është i lartë./CNA.al

Zjarret në Dropull e Finiq/ Greqia i përgjigjet sërish

Lajmet e fundit nga