web counter
LEXO PA REKLAMA!

SHKARKO APP

App Store
Google Play

Korriku thyen rekordin historik mujor/ Mbi 600 mijë pasagjerë regjistrohen në aeroportin e Rinasit

31 Korrik 2022, 20:02, Aktualitet CNA
Korriku thyen rekordin historik mujor/ Mbi 600 mijë pasagjerë
Leonard Kastrati

Në muajin korrik të këtij viti është thyer rekordi historik i numrit të pasagjerëve që janë regjistruar në aeroportin Ndërkombëtar “Nënë Tereza”, brenda një muaji.

Lajmin e ka bërë të ditur, zv.President i “Kastrati Group”, Leonard Kastrati, i cili ka folur me shifra për transformimin e aeroportit të Rinasit që nga koha e pandemisë.

Zv.President i “Kastrati Group” parashikoi që viti 2022 të mbyllet me 4.9 milionë pasagjerë, një tjetër rekord historik.

“Sot inaugurojmë terminalin e ri të aeroportit ndërkombëtar “Nënë Tereza”. Për Kastrati Group gjithçka filloi në dhjetor të vitit 2020, kur pas muaj negociatash finalizuam blerjen e Tirana International Airport nga kompania kineze ““Real Fortress Private Limited”. Viti 2020 u mbyll me 1.3 milionë pasagjerë. Pandemia kishte shkaktuar një dëm të jashtëzakonshëm në industri. Trafiku ishte kthyer në nivelet e vitit 2009. Pavarësisht se gjithçka dukej e zymtë, “Katrati Group” besonte fort në potencialin e këtij aeroporti dhe të mbarë Shqipërisë. Sapo morëm administrimin e aeroportit të Tiranës, hapat e parë që ndërmorëm ishin ulja e tarifës së pasagjerit, afrimi i linjave low cost dhe hapja e konkurencës midis kompanive ajrore.

Negociatat me Wizz Air ishin të vështira, derisa ata besuan tek vizioni ynë për të transferuar Tiranën në hapin rajonal të aviacionit. Pas një viti e gjysmë, TIA ka bërë një transformim fantastik, gjë që konfirmohet lehtë nga rritja e numrit të pasagjerëve. Në 6 muajt e parë të vitit 2022 ne kjemi arritur 44% më shumë pasagjerë se në muajt e parë të vitit 2019.

Sot nga TIA kemi linja direkte për më shumë se 66 destinacione nga 31 që ofronim në vitet para pandemisë. Rritja e madhe e fluksit të pasagjerëve ka ndikuar pozitivisht në zhvillimin e turizmit dhe ekonominë e vendit. Parashikimi ynë është që në vitin 2022 ta mbyllim me 4.9 milionë pasagjerë, një tjetër rekord. Vetëm muaji korrik do të mbyllet me mbi 600 mijë pasagjerë, numri më i madh i pasagjerëve në një muaj në historinë e aeroportit të Tiranës”, theksoi Kastrati./ B.A. - CNA.al





Lajmet e fundit nga