web counter
LEXO PA REKLAMA!

SHKARKO APP

App Store
Google Play

Grabitjet në Rinas/ Rama: Është rritur shërbimi, sot jemi më të sigurt

31 Korrik 2022, 20:16, Aktualitet CNA

Grabitjet në Rinas/ Rama: Është rritur shërbimi, sot jemi

Kryeministri Edi Rama në fjalën e tij në inaugurimit e terminalit të ri në aeroportin e Rinasit, u ndal edhe te siguria dhe përmirësimi i cilësisë së shërbimit ndaj pasagjerëve.

Duke sjellë në kujtesë rastet negative që ka shënuar ky aeroport për sa i përket sigurisë, ku një grup grabitësish depertuan deri te shkallët e avionit duke vjedhur 4.6 milion euro, Rama tha se janë marrë masa për mos përsëritjen e rasteve të tilla.  

Ai theksoi se është rritur numri i punonjësve të sigurisë në aeroportin e Rinasit që garanton edhe cilësi shërbimi për pasagjerët.

“Edhe siguria e mbajmë mend të gjithë me shqetësim e revolt skandalin e futjes deri në pistë të një bande e cila u vu prapa hekurave si rezultat i mosplotësimit të standardeve të sigurisë nga kompania që operonte aeroportin më parë. Kështu ndodh në të gjitha vendet. Policia bën simulimet e nevojshme, jep sugjerimet, identifikon pikat kritike dhe asiston operatorët në marrjen e masave të sigurisë. Sot jemi shumë më tepër të sigurt në mënyrë se si operohet ashtu sikundër falë një plani pozitiv dhe gatishmërisë së operatorit për ta zbatuar, është shtuar numri i punonjësve të sigurisë këtu. Kjo bëhet për rritje të cilësisë së shërbimit për pasagjerë”, tha Rama./CNA.al

 





Lajmet e fundit nga