E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

“Të rrezikshmit e detit”/ Gledis Nano vihet në lëvizje

1 Gusht 2022, 10:16, Aktualitet CNA

“Të rrezikshmit e detit”/ Gledis Nano vihet në

Kreu i Policisë së Shtetit, Gledis Nano

Kreu i Policisë së Shtetit, Gledis Nano, me anë të një letër porosie ka kërkuar nga drejtuesit e Policisë në qarqe që të marrim masa në kuadër të sezonit turistik, sa i përket sigurisë së pushuesve.

Theksin Nano e ka vënë tek aksidentet me mjetet lundruese që kryejnë manovra të rrezikshme në det.

“Nisur nga fluksi i lartë i turistëve, vizitorëve dhe bashkëkombësve tanë, që vijnë për të kaluar pushimet gjatë muajit gusht, në Shqipëri, si dhe në kuadër të masave për rritjen e parametrave të sigurisë në plazhe, me qëllim evidentimin dhe ndëshkimin e shtetasve që kryejnë manovra të rrezikshme me 'Jet ski' dhe mjete të tjera lundruese, në afërsi të bovave dhe ndonjë rast brenda perimetrit të sigurisë, lind nevoja për marrjen e masave shtesë, konkretisht:

Të caktohen punonjës policie, kryesisht të Policisë Kriminale të Rendit, për të patrulluar në vijën bregdetare, aty ku ka grumbullime masive të pushuesve dhe të filmojnë çdo rast të tentativës për manovra të rrezikshme nga 'Jet ski'-të apo skafet, qoftë brenda perimetrit të sigurisë, ashtu edhe në afërsi të perimetrit të sigurisë.

Punonjësit e Policisë që janë me shërbim në plazhet e vendit të instruktohen dhe të angazhohen në punë, si turni i parë ashtu edhe i dyti, për të patrulluar pandërprerë në vijën bregdetare dhe të evidentojnë çdo mjet lundrues që cenon sigurinë e jetës së pushuesve.

Qoftë punonjësit civilë, ashtu edhe punonjësit me biçikleta apo me patrullat e rendit, për çdo rast të konstatuar, filmimet t’ua dërgojnë menjëherë Policisë Kufitare, e cila të reagojë në kohë reale duke bllokuar mjetin dhe duke e ndëshkuar me masë administrative.

Policia Kufitare të rrisë patrullimet dhe të koordinojnë veprimet me Policinë vendore, për të parandaluar dhe për të reaguar në kohë ndaj këtyre shkeljeve që krijojnë imazh negativ për vendin, cenojnë efektivitetin e punës së Policisë dhe krijojnë frikë dhe panik te pushuesit”, udhëzon Nano.

Prezencë të shtuar të Policisë, përgjatë muajit gusht, Nano ka kërkuar edhe në zonat malore, të cilat frekuentohen masivisht ngë turistët.

Gjithashtu Nano, ka kërkuar monitorim intensiv të qarkullimit rrugor me mjetet inteligjente, radarët automatikë e dronët edukues me qëllim parandalimin e aksidenteve rrugore./CNA.al