E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Bashkim Dedja, sërish në Kushtetuese: Ish-kryetari i gjykatës ngre padi për pasurinë

1 Gusht 2022, 21:25, Aktualitet CNA

Bashkim Dedja

Bashkim Dedja rikthehet në Gjykatën Kushtetuese, katër vjet pasi u shkarkua nga detyra e kryetarit, duke ngritur padi për pasurinë e tij dhe të vëllait.

Ish-kryetari i Gjykatës Kushtetuese kërkon shfuqizimin e tri vendimeve përfshirë edhe atë të Gjykatës së Lartë që u shprehën për hetimin pasuror dhe për pasojë i dhanë dritën jeshile sekuestros së një apartamenti. Seanca ku si palë e interesuar është edhe SPAK-u bëhet me dije se është caktuar në datën 22 shtator, informon gazetarja Anila Hoxha.

Bashkim Dedja aktualisht po përballet në këtë sallë me Prokurorinë e Posaçme që e ka ulur atë në bankën e të akuzuarve dhe e ka marrë të pandehur ndërsa ka kërkuar konfiskimin e pasurive të tij.

Si pasuri të pajustifikuar SPAK-u konsideron një apartament të ndodhur në Golem dhe që është sekuestruar një vit më parë, teksa nga 2020 kur nisën hetimet çështja është kthyer disa herë për hetime. I akuzuar për fshehje pasurie, ish-kryetari i Gjykatës Kushtetuese këmbëngul se realisht apartamenti i përket të vëllait, për të cilin hetuesit vlerësojnë se nuk kishte mundësi financiare që ta blinte.

Nga shkarkimi si gjyqtar kushtetues Bashkim Dedja ka veshur tunikën e avokatit, por për çështjen e hapur në SPAK ai ka kontaktuar një avokat që e përfaqëson.

Më herët për mosdeklarim pasurie u dënua nga gjykata edhe ish-prokurori i përgjithshëm Adriatik Llalla./CNA.al