web counter
LEXO PA REKLAMA!

SHKARKO APP

App Store
Google Play

E fundit!

x

Ambasadorja e re e BE-së, në zyrën e Begajt/ Mesazhi i Presidentit

2 Gusht 2022, 11:49, Aktualitet CNA
Ambasadorja e re e BE-së, në zyrën e Begajt/ Mesazhi i
Presidenti i Republikës, Bajram Begaj

Presidenti i Republikës, Bajram Begaj, pranoi sot Letrat Kredenciale nga Ambasadorja e re e Delegacionit të Bashkimit Europian në vendin tonë, Christiane Hohmann.

Pasi i uroi mirëseardhjen në Shqipëri dhe e siguroi për mbështetjen e tij dhe të institucioneve shqiptare, Presidenti Begaj shprehu mirënjohjen për mbështetjen politike dhe asistencën financiare që BE i ka dhënë Shqipërisë në tri dekadat e fundit.

Begaj shprehu gjithashtu besimin se ardhja e Hohmann në Tiranë do t’u japë një shtytje të re marrëdhënieve të Shqipërisë me institucionet e Bashkimit Europian, si dhe vetë procesit të negociatave të aderimit në BE.

Ndër të tjera nënvizoi vullnetin politik të institucioneve shqiptare për të përparuar në rrugën e reformave, duke theksuar se integrimi europian mbetet projekti dhe prioriteti më madhor i Shqipërisë dhe shqiptarëve.

“I ndërgjegjshëm për sfidat dhe vështirësitë që vetë BE-ja e vendet anëtare të saj po kalojnë pas agresionit rus në Ukrainë, shpreh besimin se vëmendja e Bashkimit Europian ndaj rajonit të Ballkanit Perëndimor do të jetë edhe më e madhe, duke e konsideruar procesin e zgjerimit si instrumentin më të mirë gjeopolitik për adresimin e kërcënimeve ndaj paqes dhe sigurisë së rajonit dhe të kontinentit në tërësi”, nënvizoi Presidenti Begaj./ CNA.al

 





Lajmet e fundit nga