LEXO PA REKLAMA!

SHKARKO APP

“Korridori blu”, gati nisja e projektit madhor/ Balluku zbulon detajet, ndikimi në ekonominë e vendit

2 Gusht 2022, 10:46, Aktualitet CNA
“Korridori blu”, gati nisja e projektit madhor/ Balluku zbulon
Zëvendëskryeministrja, Belinda Balluku

Zëvendëskryeministrja Belinda Balluku ka bërë me dije se është gati për të nisur punimet për një projekt me rëndësi madhore në infrastrukturën dhe ekonominë e vendit, atë të “Korridorit blu” me aksin Milot-Fier.

Një projekt jo vetëm kombëtar, por edhe rajonal e europian, pjesë e European Connectivity Network, i cili lidh Malin e Zi, Shqipërinë dhe Greqinë me unazën mesdhetare që sot për sot ndalet në jug të Kroacisë, por ndërkohë lehtëson pafundësisht edhe lidhjen me Kosovën, si edhe afron ndjeshëm veriun me jugun e Shqipërisë.

Në një deklaratë për mediat, Balluku është shprehur se ky projekt do të ndikojë në mënyrë direkte dhe indirekte në ekonominë e vendit tonë duke krijuar më shumë mundësi për punësim, zhvillim të turizmit dhe tregtisë, pakësimin e aksidenteve dhe uljen e kostos së transportit.  

Gati për të nisur një projekt me rëndësi madhore për infrastrukturën dhe ekonominë e vendit, Korridorin Blu, me aksin Milot-Fier; një projekt jo vetëm kombëtar, po edhe rajonal e europian, pjesë e European Connectivity Network, i cili lidh Malin e Zi, Shqipërinë dhe Greqinë me unazën mesdhetare që sot për sot ndalet në jug të Kroacisë, por ndërkohë lehtëson pafundësisht edhe lidhjen me Kosovën, si edhe afron ndjeshëm veriun me jugun e Shqipërisë.

Zhvillimi i këtij aksi sjell një sërë ndikesimesh në ekonominë e vendit tonë. Po përmendim disa prej tyre si, rritja e punësimit, më pak aksidente, kosto e ulët e transportit, rritja e turizimit përmes shkurtimit të distancave jo vetëm nga qyteti në qytet, por edhe nga aeroporti në aeroport, duke ndërlidhur të gjithë rrjetin e aviacionit civil, do ketë ndikim në tregti”, tha Balluku.

Sipas zëvendëskryeministres Balluku, akset do të jenë të ndara, ndërsa do të ketë edhe rrugë dytësore për qytetarët që nuk duan të paguajnë. Balluku zbuloi se shpejtësia e lejuar në këtë autostradë do të jetë deri në 130 km/h.

Nuk ka qenë një zgjedhje e lehtë për ne. Por do të ishte më mirë që ta zhvillonim në një moment të dytë. Nga Milori deri në Fier kemi vendosur ta segmentojmë. Milot, Thumanë, Kashar Lekaj e Rrogozhinë she më pas Lekaj-Fier do të jenë akset përbërëse.

Për aksi Thumanë Kashar ka nisur ndërtimi. Të gjithë segmente do të ruajnë parimet kryesore. Të gjitha segmente do të jenë të shoqëruara edhe nga një rrugë dytësore. Shpejtësia e lejuar në aksin kryesor me pagesë do të jenë nga 90-130 km", tha ndër të tjera Balluku. / A.E-CNA.al

Lajmet e fundit nga