LEXO PA REKLAMA!

SHKARKO APP

Tri dosjet e “nxehta”, ‘Inceneratorët’, ‘21 Janari’ dhe ‘Gërdeci’/ Kraja “kyç” gojën

1 Qershor 2022, 11:00, Aktualitet CNA
Tri dosjet e “nxehta”, ‘Inceneratorët’, ‘21

Kreu i SPAK-ut, Arben Kraja, ka qenë një nga emrat e shigjetuar publikisht nga kryeministri Edi Rama, për raste të caktuara që sipas kreut të ekzekutivit, SPAK-u nuk po i heton.

Por, sipas Krajës, hetohet me prova dhe jo me deklarata politike. Të njëjtin version përgjigjeje Kraja e ka dhënë dhe në një intervistë për "DW".

 “Prokurorët kanë përpara dosjet dhe vlerësojnë provat. Ky është koncepti ligjor dhe këtë bëjmë çdo ditë. Jo vetëm politika, por ne dëgjojmë çdo ditë njerëz që ankohen, që pretendojnë që duhet hetuar ky rast apo ai rast. Janë në kuadrin e atyre informacioneve që vijnë për t'u vlerësuar. Por e rëndësishme është që secili ka dosjen përpara, është i pavarur në vendimmarrjen e tij dhe vlerëson vetëm provat që janë administruar”, është shprehur Kraja.

I pyetur në lidhje me dosjet e nxehta si ajo e “Inceneratorëve”, apo “21 Janari” dhe “Gërdeci”, që kanë interes të lartë nga publiku, Kraja është mjaftuar duke thënë se po vijon hetimet.

 “Për të gjitha rastet që janë nën hetim apo që vazhdon hetimi, ne kemi dhënë herë pas here njoftime publike dhe kur të ketë një zgjidhje përfundimtare ne do të japim përsëri njoftimin zyrtar se çfarë është bërë me atë rast”, ka thënë kreu i SPAK-ut, duke mos zbuluar kështu asnjë informacion të ri për qytetarët./

Lajmet e fundit nga