LEXO PA REKLAMA!

SHKARKO APP

Dy “dashnorët” e inceneratorëve

24 Tetor 2020, 08:22, Politikë CNA

Opozita, prej gati 10 ditësh ka përvetësuar një kauzë mediatike, atë të denoncimit të PPP-së, koncesionit të inceneratorëve.

Koncesion për tre inceneratorë, ku përfshihen Elbasani, Fieri dhe Tirana.

Një aferë e quajtur nga mediat, por edhe opozita, e cila ka filluar ta denoncojë para gati pesë vitesh, që prej ndërtimit të të ashtuquajturit incinerator në Elbasan. Tashmë një kauzë publike e opozitës, që duket se ka dy ?dashnorë? të mëdhenj.

Opozita në denoncimin e saj ka kundër jo vetëm Edi Ramën dhe qeverinë, e cila po bën avokatinë politike të inceneratorëve, por ka edhe ortakun e pronarëve të inceneratorëve, si ?dashnor? kryesor, Ben Blushin.

Ky i fundit në detyrën e drejtorit të Top Channel, e ka vendosur ekranin kombëtar të shqiptarëve në dispozicion të mbrojtjes së koncesionit të plehrave në Shqipëri.

Ben Blushi është ortak me Klodian Zoton dhe Mirel Mërtirin në një kompani, ku figuron bashkëshortja e tij Eva Blushi.

Ben Blushi ka kthyer të gjithë baterinë mediatike të Top Medias në funksion të inceneratorëve. Është gati të bëjë gjithçka, të sulmojë kunatin e Lulzim Bashës, të sulmojë Sali Berishën, të sulmojë Partinë Demokratike, të sulmojë çdo njeri që i del përpara, thjeshtë dhe vetëm që të heshtin për inceneratorët.

Me një stil të gazetarisë së viteve 1997, kur drejtonte gazetën ?Koha Jonë?, Ben Blushi i është vërsulur opozitës, duke mbrojur pazaret e plehrave dhe skandalin e korrupsionit të qeverisë, për të cilin ka folur hapur edhe ambasadorja e SHBA në Tiranë, Yuri Kim, e cila tha se ato duhet të hetohen në SPAK.

Ndërkohë që një qëndrim publik është mbajtur edhe nga Arben Kraja, drejtuesi i SPAK, i cili theksoi se ka filluar hetimi për të tre inceneratorët.

Pra, dy ?dashnorët? kryesorë të inceneratorëve, janë kryeministri Edi Rama, i cili është ai që ka përgjegjësinë politike për firmosjen e kontratave pa oferta financiare apo abuzime në pagesa, dhe Ben Blushi me Top Channel, të cilët janë ata që bëjnë avokatinë mediatike të kompanive zinxhir, të cilat në përfundim janë në pronësi të Klodian Zotos, Mirel Mërtirit dhe bashkëjetueses së këtij të fundit, Stela Gugallja.

Ky është rasti kur dy persona ?dashurojnë? të njëjtën gjë. Veçse në këtë rast, janë objekte që djegin plehra./CNA.al

Ekskluzive dokumenti/Zbulohet ortakëria e Klodit të inceneratorëve me Ben Blushin

Denoncimi i Ylli Rakipit, dhe historia e inceneratorëve me Ben Blushin

Skandali me inceneratorët/ Ylli Rakipi: Më kërkuan të mos e transmetoja në emision

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Sa lekë ka paguar Eva Blushi për blerjen e Lori Kafesë?

Lajmet e fundit nga