E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Denoncimi i Ylli Rakipit, dhe historia e inceneratorëve me Ben Blushin

23 Tetor 2020, 13:12, Politikë CNA

Ylli Rakipi, është drejtuesi i parë televiziv i cili ka mbajtur një qëndrim të fortë kundër inceneratorëve, kjo që në vitin 2017.

Ditën e martë, Zoti Rakipi ishte në emisionin ?A Show?, të Adi Krastës, ku ka folur për çështjen e inceneratorëve.

Ndër të tjera, ai theksoi se një drejtues i lartë mediash i kishte ndërhyrë që të mos transmetohej emisioni, megjithëse ai u transmetua.(Lexo këtu)

Në fakt edhe para dhe pas emisionit, ka edhe portale dhe media të tjera të cilat kanë investiguar dhe publikuar me dhjetëra dokumente, përfshirë këtu edhe CNA.al, BIRN, apo edhe media të tjera.

Emisioni ?Të Paekspozuarit? ishte studio e parë televizive ku u debatua fort për këtë PPP, një koncesion i cili quhet një aferë e madhe korruptive, jo vetëm nga opozita.

Zoti Rakipi theksoi se emrin e personit ia kishte thënë dy kolegëve, Andi Bushati e Fatos Lubonja, dhe atyre iu ishte dukur e pabesueshme.

Por, i vetmi person i botës së medias, që ka lidhje direkte me pronarët e inceneratorëve është Ben Blushi, sot drejtor i Top Channel.

Ben Blushi, është ortak në kompaninë Em Capital Group, ku marrëdhënien tregtare e ka bashkëshortja e tij Eva Blushi.

CNA.al ka treguar me dokumente zyrtare dhe ekskluzive, se EM Capital Group është një kompani e themeluar në Bullgari, me bashkëaksionerë Mirel Mërtirin, Klodian Zoton dhe Eva Blushin, me 33% të kuotave. (Lexo këtu)

Më pas është kjo kompani e cila ka ardhur në Shqipëri dhe ka blerë 51% të aksioneve të Lori Kafe. (Lexo këtu)

Dhe sipas të dhënave të siguruara nga CNA.al, Ylli Rakipi qëndrimin e tij e ka pasur për Ben Blushin dhe ka qënë ky i fundit, personi që ka ndërhyrë që emisioni të mos transmetohej. Ashtu sikundër po vepron sot, duke bërë avokatinë publike të inceneratorëve./ CNA.al

Skandali me inceneratorët/ Ylli Rakipi: Më kërkuan të mos e transmetoja në emision

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Sa lekë ka paguar Eva Blushi për blerjen e Lori Kafesë?

Ekskluzive dokumenti/Zbulohet ortakëria e Klodit të inceneratorëve me Ben Blushin

Detajet e reja/ Dokumentet që zbulojnë përqindjen e aksioneve të Ben Blushit me kompaninë e inceneratorëve

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë