web counter
LEXO PA REKLAMA!

SHKARKO APP

App Store
Google Play

E fundit!

x

"Çështja e detit"/ Panariti, akuza Ramës: Keqinformoi ministrin grek për Metën

31 Maj 2022, 20:19, Aktualitet CNA
"Çështja e detit"/ Panariti, akuza Ramës: Keqinformoi
Edmond Panariti

Edmond Panariti ka komentuar deklaratat e ministrit të jashtëm grek Dendias për çështjen e detit.

Panariti është i mendimit se deti është një çështje delikate që kërkon kohë.

Ai theksoi se kryeministri Rama në një takim me presidentin ka kërkuar që të jetë ai udhëheqës i negociatave.

Për deklaratat e Dendiasit, Panariti u shpreh se ministri grek mund të jetë i keqinformuar. Sakaq, ai tha se kryeministri Rama në një takim me Presidentin, ka kërkuar që të jetë në krye të negociatave.

"Presidenti nuk mund të lëshojë një autorizim, i cili nuk i është kërkuar. Presidenti në hapat e tij në çështjen e arritjes së një marrëveshjeje përfundimtare, Presidenti është i interesuar të shkohet në marrëveshje përfundimtare të pakontestueshme. Shqipëria duhet të dijë kush janë, deri ku shtrihet sovraniteti i saj. Presidenti është aty për ta katalizuar këtë proces.

Dendias nuk e njeh, ose ka marrë një keqinformim për atë që aludohet se Presidenti është bërë pengesë, përkundrazi, Presidenti ka bërë hapa që priten nga ai, i orientuar nga vendimi i Kushtetueses që parashikon rikrijimin e grupit negociator, mandatimin e tij, dhe në një fazë të caktuar të dy apo tri takimeve që grupi negociator ka bërë në vijim të mandatimit nga Presidenti, është kërkuar nga Kryeministri në një takim që ka pasur me Presidentin, që procesin e negociatave ta kryesojë vetë kryeministri.

Presidenti ka pritur që kryeministri të drejtohet me një kërkesë formale që ai të autorizohet për të drejtuar negociatat. Kjo kërkesë nuk ka ardhur asnjëherë. Ne nuk kemi një rezultat të prekshëm nga grupi negociator, i cili është ende operativ dhe funksional.” -tha Panariti./E.T-CNA.al





Lajmet e fundit nga