web counter
LEXO PA REKLAMA!

SHKARKO APP

App Store
Google Play

E fundit!

x

Avokatja e Popullit ngre alarmin/ Gjendja në komisariatet e Tiranës, katastrofike

31 Maj 2022, 12:48, Aktualitet CNA

Gjatë raportimit në Komisionin e Ligjeve, Avokatja e Popullit, Erinda Ballanca, ka dhënë alarmin në lidhje me situatën në Komisariatet e Tiranës, të cilat i ka cilësuar si “katastrofike”,  ndërsa thekson se të ndaluarit mbahen në kushte çnjerëzore.  

“Gjendja në komisariatet e Tiranës në mënyrë të veçantë është katastrofike, tërësisht në kundërshtim me standardet për qëndrimin e personave të privuar nga liria. Kemi pasur raporte që janë mbyllur dhomat e sigurisë prej kushteve të këqija dhe kur ne kemi shkuar për inspektim i kemi gjetur të hapura. Edhe gjatë pandemisë, u hiqej liria njerëzve sepse protestonin dhe futeshin brenda në komisariate, në kushte që merrnin virusin. Pra, me zero kushte. Prej 3 vitesh në Tiranë është ndërtuar blloku i ri i dhomave të sigurisë, që do të zgjidhë qëndrimin e sigurisë në kushte dinjitoze me një kapacitet tjetër, dhe me kushte të tjera.

Dhe aty kemi një problem, duhet të merrni masa sepse është bërë një investim pa menduar. Duhet të kishte përfunduar dhe ky boks i ri nuk ka elementë sigurie në përputhje me ligjin, me të drejtë drejtori aktual i policisë, kur ka shkuar për të marrë në dorëzim objektin, ka refuzuar, sepse nuk ka elementë të sigurisë. Kemi 7 muaj që qytetarët jetojnë në kushte skandaloze në dhomat e sigurisë, ai tjetri humbi jetën në Kamëz për shkak të personit që duhet t'i kishte parë elementët e sigurisë. Kemi kërkuar ndjekje penale edhe për këtë.

Lekët hidhen dhe investimi në rastin konkret nuk po çon aty ku duhet të çonte, është një problem jo i vogël për Tiranën. I mirëkuptoj edhe kur thonë, ku t’i çoj? A mund të thotë shefi i komisariatit nuk kam ku t’i fus. Diku do të shkojnë këta njerëz, në rastin e Kamzës p.sh., i kam thënë janë në kushte çnjerëzore, si ka mundësi t’i fusim në biruca drejtori më ka thënë ‘Ku t’i çoj? Jam i detyruar’. Pra, në fund të ditës problemi thelbësor që mbetet është se investimi që u bë… Unë kam bërë takim dhe me zotin Nano për këtë çështje”, u shpreh Ballanca./CNA.al





Lajmet e fundit nga