web counter
LEXO PA REKLAMA!

SHKARKO APP

App Store
Google Play

“Humba një nga miqtë më të çmuar”/ Berisha flet si asnjëherë më parë për Bujar Nishanin

30 Maj 2022, 22:21, Aktualitet CNA
“Humba një nga miqtë më të çmuar”/
Sali Berisha

Kreu i Partisë Demokratike, Sali Berisha, ka folur me dhimbje për ndarjen e parakohshme nga jeta të ish-Presidentit Bujar Nishani.

Berisha e cilësoi Nishanin një nga miqtë dhe bashkëpunëtorët e tij më të ngushtë e më të vyer, ndërsa theksoi se për të është shumë e dhimbshme të humbasë një prej miqve më të mirë të të gjithë jetës politike.

“Bujar Nishani ka qenë një nga bashkëpunëtorët e mi më të çmuar, një nga shërbëtorët më besnikë të shqiptarëve, një nga qytetarët më dinjitozë të shtetit, një nga presidentët që i dha vendit dhe qytetarëve nder çdo ditë që qëndroi si përfaqësuesi më i lartë i tyre në Shqipëri dhe botë.

Ai ishte ministër i Drejtësisë, i Rendit, detyra që i përmbushi me një përkushtim të madh, me transparencë të madhe, me sukses të plotë.

Përveç tjerash, Bujar Nishani këto 30 vite ka qenë një nga drejtuesit më të rëndësishëm të PD-së, deputet i saj, drejtues i degës së Tiranës, dhe më vonë ministër. Është një humbje e madhe. Për mua personalisht është një dhimbje shumë e madhe të humbësh një prej miqve më të mirë të të gjithë jetës politike.

Ndihem pafundësisht i detyruar ndaj tij, ndihem krenar me miqësinë që patëm, krenar me bashkëpunimin e përkryer që ne kemi pasur njëri me tjetrin, dhe që pata një bashkëpunëtor si ai. Bujar Nishani vdiq para kohe, 56 vjeç, por la një trashëgimi të rrallë për të gjithë ata që e kanë njohur”, u shpreh Sali Berisha./E.T-CNA.al





Lajmet e fundit nga