LEXO PA REKLAMA!

SHKARKO APP

U arrestua për korrupsion/ GJKKO dënon me 2 vite burg ish-prokurorin

31 Maj 2022, 14:30, Aktualitet CNA

U arrestua për korrupsion/ GJKKO dënon me 2 vite burg ish-prokurorin

Gjykata e Posaçme ka shpallur sot vendimin për dënimin e ish-prokurorit të Sarandës, Sali Hasa.

GJKKO ka kërkuar dy vite burg për akuzën e "korrupsionit" dhe pafajësi për "fshehje e mosdeklarim të pasurisë".

Ish-prokurori Sali Hasa u arrestua qershorin e vitit të shkuar.

Nga hetimet e kryera prokurori Hasa dyshohet për përfshirje në rastin e pushimit të një çështjeje ndaj Emiljano Miranit, i cili akuzohej “për plagosje dhe mbajtje të armëve të ftohta”. Prokurori Hasa akuzohet se ka marrë ryshfet nga motra e Emiljanos, Elsona Papa.

U arrestua për korrupsion/ GJKKO dënon me 2 vite burg ish-prokurorin
Sali Hasa

Provat e grumbulluara ndaj ish-prokurorit, por edhe personave të tjerë që ishin përfshirë në ushtrim ndikimi të paligjshëm dhe trukime ndeshjesh sportive dolën kryesisht nga përgjimet, ndërsa po hetohej një çështje tjetër për trafik narkotikësh nga SPAK-u.

Hasa u shkarkua nga detyra shtatorin e vitit të shkuar nga Komisioni i Pavarur i Kualifikimit pasi nuk justifikonte pasurinë me burime të ligjshme.

Ai nuk i ka pranuar të dyja akuzat dhe pala mbrojtëse pritet të paraqesë kundërshtitë e veta ndaj pretencës së prokurorit në seancën e radhës në Gjykatën e Posaçme./CNA.al

 

Lajmet e fundit nga