web counter
LEXO PA REKLAMA!

SHKARKO APP

App Store
Google Play

E fundit!

x

Policia bën “kërdinë”/ Ndëshkon qytetarët për një pemë dhe dy çati

31 Maj 2022, 15:06, Aktualitet CNA
Policia bën “kërdinë”/ Ndëshkon qytetarët
Belvedere

Policia e Pogradecit nuk ndalet në luftën kundër “krimit”. Për më tepër “operacionet e bujshme” ua shpërndan me shpejtësi edhe mediave, si njoftim zyrtar për punën e madhe.

Mesditën e sotme ka ardhur një tjetër njoftim për një “operacion të madh”, të zhvilluat nga “Specialistët për Hetimin e Krimeve në Komisariatin e Policisë Pogradec”.

Sipas njoftimit në fjalë, tre qytetarë e kanë pësuar keq nga policia, pasi një prej tyre është kapur me plot 17 m³ dru zjarri, ndërsa dy të tjerët po rregullonin çatinë pa leje.

“Po këto struktura referuan materialet në Prokurori dhe filluan procedimin penal në gjendje të lirë për veprën “Prerja e paligjshme e pyjeve” për shtetasin O. Xh., 23 vjeç, banues në fshatin Vërdovë, Pogradec, pasi në vendin e quajtur “Gurorja e Vërdovës”, në Pogradec, ky shtetas u kap duke transportuar me mjetin kamion tip “Benz” 17 m³ dru zjarri, pa leje.

Gjithashtu u referuan materialet në Prokurori dhe filloi procedimi penal në gjendje të lirë për veprën “Ndërtimi i paligjshëm” për shtetasin I. K., banues në fshatin Lin, Pogradec, pasi në këtë fshat, ky shtetas u kap duke kryer punime ndërtimi pa leje.

Specialistët për Hetimin e Krimeve në Komisariatin e Policisë Maliq referuan materialet në Prokurori dhe filluan procedimin penal për veprën “Ndërtimi i paligjshëm”, për shtetasin M. M., banues në fshatin Pojan, Maliq, pasi në këtë fshat, ky shtetas u konstatua duke kryer punime ndërtimi pa leje.”-thuhet në njoftimin e Policisë.

Edhe një herë, policia tregon “forcën”. Nuk ke shans të rregullosh çatinë se të vinë të fusin në burg.

Por ndërkohë që për një çati apo për një pemë të vjen policia tek dera, deri më tani nuk kemi parë të preken personat që po bëjnë “masakër” në Korçë, duke shkatërruar të famshmen pikë simbolike, atë që quhet Belvedere.

Në Belvedere është zhveshur një kodër e gjjtha me qindra m3 dhe policia bën sehir si rrjepet pylli për vila.

Policia nuk arreston personat që kanë rrafshuar pyllin për të fituar para biznesmenët e lidhur me Qeverinë, por kapin qytetarët që marrin dru për hall apo që rregullojnë çatinë./CNA.al

 





Lajmet e fundit nga