web counter
LEXO PA REKLAMA!

SHKARKO APP

App Store
Google Play

Foto-Denoncimet e forta të gazetarit/ Po shkatërrohet simboli i Korçës

25 Prill 2022, 13:08, Denoncim CNA

Gazetari dhe editori i CNA.al, Elvi Fundo, ka bërë denoncime të forta, në lidhje me atë çfarë po ndodh në Korçë, ku sipas tij po shkatërrohet simboli i këtij qyteti.

Ndërsa publikon edhe disa foto të ?masakrës? që po ndodh në Korçë, gazetari Fundo shkruan se një person, për ca para më shumë po shkatërron të famshmen pikë simbolike në Korçë, atë që quhet Belvedere.

Ai e cilëson këtë si një masakër urbane, për të cilën askush nuk flet.

?Krim në mes të Korçës. Një pronë e grabitur me 1001 problematika. Një person që për ca para më shumë shkatërroi një pikë simbol në Korçë të famshmen Belvedere. KRIMINALE!

Masaker urbane askush nuk flet. Pse?

Sepse e ndërton Ragami (Spiro Bardhi).

Kriminale në mes të Korçës.

Pas nje objekti të nxirë si këllirë në mes të qytetit, tani shkatërrohet një pjese e Parkut Rinia, mijëra pemë priten, pronësia e dyshimte, konflikte, leja me presione e përplasje.?-shkruan gazetari.

Më tej, ai ka edhe një mesazh për drejtësinë, ndërsa thekson se ?SPAK mos dalë shëtitje në korçë vetëm për kërnacka të shikojë peshkaqenët e shkatërrimit e korrupsionit.?

Ndërsa një tjetër postim, gazetari shkruan se ajo që po ndodh sot në Korçë, është krim me vulë.

?Frapexhinjtë e lëpirësit që heshtin apo gjejnë edhe gënjeshtra për mbylljen e sqepit, kur gjoja bëjnë parimorin kanë disa foto këtu. Janë sot në një krim që po bëhet në Korçë. KRIM ME FIRME E ME VULE.

Janë prerë me qindra pemë, në kodren simbol të Korcës Belvedere. E ruajti Benoni në vitin e zi ?97, e shkatërron Ragami (Spiro Bardhi) në 2022.

Korça që duam duke shkatërruar perlen e qytetit për një dorë lekësh.

Ju sjell e të tjera video, me dron, me pemë pa pemë. Te gjitha për të kuptuar një krim, të legalizuar dhe një heshtje vrastare qytetare që duket parimi i një kodi mafioz në qytetin e Korçës.

KRIMINALE!?-përfundon postimin e tij gazetari Elvi Fundo./CNA.al





Lajmet e fundit nga