LEXO PA REKLAMA!

SHKARKO APP

Emisioni i “kamikazit” të tenderave abuzive/ Vojo Bregu nga SPAK, në media

16 Prill 2022, 12:06, Denoncim CNA

Emisioni i “kamikazit” të tenderave abuzive/ Vojo Bregu nga

Ish-sekretari i Përgjithshëm i Ministrisë së Bujqësisë, i akuzuar për tendera abuzivë, i kapur i gjallë nga KLSH, famozi Vojo Bregu tashmë po “rikthehet” me një tjetër mision.

Ndërkohë që do të duhej të ishte përballë SPAK, për të dhënë llogari për tënderat abuzivë, tashmë Vojo Bregu do të shfaqet në media, me një të ashtuquajtur emision investigativ.

CNA.al ka mësuar se famozi Vojo Bregu, ka blerë një pjesë të kohës televizive në ekranin e AbcNews, ky i fundit tashmë i blerë nga biznesmeni Klodjan Alljabeu, dhe nga ky ekran do të fillojë “misionin e tij”, në rolin e producentit.

Vojo Bregu, është ish-Sekretari i Përgjithshëm i Ministrisë së Bujqësisë, në kohën që ky institucion drejtohen nga ish-ministrat e LSI-së.

Më pas, Vojo Bregu kandidoi për deputet, po nën siglën e LSI, në zgjedhjet e përgjithshme parlamentare të 25 prillit 2021, por nuk fitoi pasi LSI u katandis me katër mandate.

Nga ana tjetër, kujtojmë se gjatë kohës që ka qënë Sekretar i Përgjithshëm i Ministrisë së Bujqësisë, Vojo Bregu është përfshirë në skandal, në lidhje me abuzimet në tendera, për të cilat ka pasur edhe një kallëzim në prokurori në pranverën e vitit 2021.

Auditimi i KLSH-së ka nxjerrë në pah abuzimet e Bregut në disa tendera. Sipas KLSH-së, Bregu ka bërë shkelje të rënda ligjore në prokurime të zhvilluara kryesisht me negociim pa shpallje paraprake dhe fond limit 525 milion lekë pa tvsh të këtij tenderi.

Abuzime janë gjetur edhe në prokurimin e “blerjes së pajisjeve për shërbimin veterinar”, ku fondi i përcaktuar është dy herë më i lartë se ai i tregut. Procedura është sërish negociim pa shpallje paraprake të njoftimit të kontratës. Shkelja më flagrante e konstatuar është mosargumentimi i nevojave të emergjencës, pasi fondet ishin të parashikuaar dhe nuk ndodheshin para rastit të nevojës immediate.

Në tenderin për “sistemin e monitorimit me kamera të hidrovoreve”, KLSH ka vërejtur problematika të mëdha për plotësimin e kritereve nga kompania fituese.

Po ashtu, edhe në procedurat e prokurimit “blerje kafshe të llojit gjedh për dëmshpërblimin e fermerëve të dëmtuar nga dermatoza nodulare e gjedhit” janë vërejtur shkelje. Në këtë tender mungon baza ligjore për miratimin e fondit, që është dy herë më i lartë se çmimi i tregut. (Lexo këtu)

Pra, ky është një tjetër zyrtar i LSI që përfundon pas akuzave për shpërdorime me detyrën. Ai shpesh ka qenë një personazh i përfolur për korruspion dhe me shumë bëma e gjëma në ministrinë e Bujqësisë.

Por, tashmë një nga skandalozët e LSI-së, do të shfaqet me një emision investigativ, me të cilin mesa duket kërkon të shpëtojë lëkurën e tij./CNA.al

Çfarë kërkon famozi Vojo Bregu, në korridoret e Abc News?

Dalin në shesh bëmat e Vojo Bregut/ Kallëzohet në Prokurori për abuzime me tenderat

Sulmet e Panaritit dhe Vojo Bregut/ Murrizi u nxjerr të palarat, ku ndryshojnë të dy nga skandalet e Ministrisë së Bujqësisë

Tmerri që fshihet pas shakasë së Vojo Bregut dhe Panaritit

Lajmet e fundit nga