E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

Firma e kromit zapton burimin e ujit/ Falsifikon firmat e banorëve

14 Prill 2022, 19:47, Denoncim CNA

Jemi ndalur në Tropojë në këtë pjesë të emisionit. Shoqëria ?Evi Construction dhe Evi Mineral Invest?, që prej vitit 2014 ka marrë një leje minerare për të shfrytëzuar krom në fshatin Zogaj të Tropojës.

Banorë të lagjes Mjekërbardhë të këtij fshati kërkojnë që kjo firmë të largohet prej burimit të ujit të pijshëm si dhe nga tokat e tyre. Ata thonë se firma në fjalë me administrator Admir Demirin, ka tejkaluar koordinatat dhe ka dëmtuar burimin e ujit të pijshëm.

?Shqetësohemi nga një firmë që në vitin 2014 për dhunim të tokave, për shfrytëzim mineralesh që ne aty kemi burimin e ujit dhe ne ngelim pa ujë. Nuk ka marrë parasysh prishjen e ujit. Nuk kemi gjetur konsensus me të fare?, tha një banore.

Konflikti është përshkallëzuar deri në kërcënime.

?Jemi të shqetësuar shumë për këtë punë se na ka hyrë në ujësjellës. Edhe tokat e bukës na i ka prish. Edhe me armë po. I jemi drejtuar shtetit, po sot, po nesër?, tha një banor tjetër.

Në vitin 2015, banorët e lagjes Mjekërbardhë të fshatit Zogaj u ankuan në AKBN dhe erdhi përgjigja, se shoqëria në fjalë, i kishte tejkaluar këto koordinata, duke cënuar burimin e ujit të pijshëm.

AKBN i kërkoi kësaj shoqërie të mos dëmtonte pasuritë e tyre, siç janë tokat dhe të mos rrezikonte ujin e pijshëm. Asokohe, AKBN u shpreh se vazhdimi i punimeve afër vendburimit të ujit, rrezikonte furnizimin e banorëve me ujë të pijshëm.

Por administratori i ?Evi Construction? thotë, se ka zgjeruar lejen dhe ka të drejtën për të nxjerrë krom pikërisht aty ku ndodhet burimi. Kryetari i fshatit Zogaj shprehet, se ekziston një listë me firma e servisur si nga banorët e fshatit, por të gjithë ata banorë, që kanë firmosur janë të fshatrave të tjerë.

Gazetari: Trashëgim Aliaj, a është banor i Mjekërbardhit, këtu në Zogaj?

Kryetari i fshatit: Trashëgim Aliaj është në fshatin Prush, është larg.

Gazetari: Zeq Imeri?

Kryetari i fshatit: Zeq Imer Aliaj.

Gazetari: A është banor i Mjekërbardhit?

Kryetari i fshatit: Jo!

Gazetari: Po Barjam Aliaj?

Kryetari i fshatit: Edhe Barjam Idriz Aliaj, ka vdekur, edhe ky banor i Prushit. Të tre këta janë nga fshati Prush.

Gazetari: Man Hasan Aliaj?

Kryetari i fshatit: Jo, është i fshatit Prush./tvklan.al