web counter
LEXO PA REKLAMA!

SHKARKO APP

App Store
Google Play

E fundit!

x

“Më shumë taksa për qytetarët në mes të krizës”/ Qeveria nuk ndal pagesat për PPP-të dhe inceneratorët  

3 Maj 2022, 09:53, Politikë CNA

Deputetja e PD-së, Jorida Tabaku, akuzon qeverinë se edhe pse vendi ndodhet në një krizë të thellë ekonomike, nuk ndalon politikat e saj të pagesave të PPP-ve.

Sipas Tabakut, ndërsa qytetarët përballen me rritjen e çmimeve, zgjidhja e qeverisë është ?Më shumë fonde për inceneratorët, për PPP-të dhe koncesionet! Më shumë taksa për qytetarët dhe më pak të ardhura për shqiptarët! Pasi taksat e shqiptarëve janë fitimi i koncesionarëve!?

?Më shumë fonde për inceneratorët, për PPP-të dhe koncesionet.

Në mesin e një krize të thellë ekonomike, qeveria ka vazhduar politikat e saj të pagesave të PPP-ve që kanë përkeqësuar gjithnjë e më shumë shëndetin financiar të buxhetit.

Familjet shqiptare që shpenzojnë 42% të të ardhurave të tyre po përballen me rritjen e çmimeve, ndërsa inflacioni pritet të shkojë më lart se 5%. Të gjitha produktet kryesore të shportës së ushqimeve janë rritur me mbi 10% duke shtrenjtuar jetesën e shqiptarëve.

Po shpenzohet më shumë për energjinë, për bukën, për qumështin dhe vezët. Çdo gjë më e shtrenjtë! Çdo produkt më i kushtueshëm, ndërsa të ardhurat vetëm tkurren.

Zgjidhja e qeverisë? Më shumë fonde për inceneratorët, për PPP-të dhe koncesionet! Më shumë taksa për qytetarët dhe më pak të ardhura për shqiptarët! Pasi taksat e shqiptarëve janë fitimi i koncesionarëve!

Fatkeqësi që në një kohë krize shqiptarët kanë një qeveri që u merr gjithçka shqiptarëve dhe ua jep oligarkëve!?-shkruan Tabaku.





Lajmet e fundit nga