E fundit!

12:36 Politikë

"Të thuash ke shpirtin e bukur, vetë ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Kuvendi i 30 Prillit “ricikloi” manipuluesit/ Elezi: Berisha, përgjegjësi për tradhtinë

3 Maj 2022, 09:02, Politikë CNA

Ish-kreu i degës së PD-së në Kukës, Ibsen Elezi, i cili kandidoi për anëtar të Këshillit Kombëtar në Kuvendin e 30 prillit, ka bërë kritika të forta në lidhje me procesin e zgjedhjeve.

Në një postim në rrjetet sociale, Elezi pranon humbjen në këtë garë, duke theksuar se ishte e pritshme për shkak të qëndrimeve të tij oponente, me Bashën, por edhe me Berishën.

?Të pranosh humbjen është akt normal !

Në Kuvendin e 30 prillit isha në listën e kandidatëve për Këshillin Kombëtar.

E pranova kandidimin për faktin se që nga 2017 kam kërkuar në mënyrë të vazhdueshme garën si mjet zgjidhje.

Duke patur parasysh pozicionin tim oponent me modelin Basha dhe së fundemi me rimodelimin Berisha, për arsye thelbësisht parimore dhe të bazuara vetëm në fakte të njohura publikisht, është normale që pjesa më e madhe e delegatëve që kanë ardhur si rrjedhojë e frymës Berisha të mos më votojnë.

Shtoj kësaj faktin që unë nuk lobova individualisht, humbja në këto votime është diçka normale dhe e pranueshme.?-shkruan Elezi.

Më tej, ai thekson se shëmtia e këtij procesi, ishin produkti i listës dhe personat që drejtuan procesin, duke iu referuar këtu Albana Vokshit dhe Flamur Nokës.

Sipas Elezit në listën e Këshillit Kombëtar u zgjodhën fitues persona që në 8 Janar dhunuan e shanë demokratët.

Sa u takon atyre që drejtuan procesin, Elezi thekson se janë të njëjtit persona përgjegjës për manipulime në procese zgjedhore të mëparshme.

Po ashtu, ai i drejtohet drejtpërdrejt edhe ish-kryeministrit Berisha, ndërsa thekson se ai është përgjegjës për tradhtinë ndaj Kuvendit të 11 Dhjetorit 2021.

?Ajo çfarë nuk shkon në këtë proces nuk ka të bëjë me personin tim, ka të bëjë me produktin e listes.

Nëse unë apo kritikë të tjerë nuk fituam për këtë arsye, si mund të fitojnë ata që në 8 janar dhe 6 mars ushtruan dhunë e nuk lanë fjalë fyese pa thënë ndaj po këyre delegatëve.

Si është e mundur që këta delegatë demokratë falin për hir të “bashkimit” dhunuesin dhe nuk falin kritikuesin ?!

Si ka mundësi falin persona të diksretituar publik me qëndrimet e tyre qesharake kaq vjeçare ?!

Si ka mundësi që nga një grup shoqëror apo familjar zgjidhen më shumë delegatë se nga një zonë e tërë si Vlora apo Shkodra, se Kukësi me zero ska si hyn në krahasim ?!

Përgjigja është e thjeshte, e gjeni te deklarimi i Edi Palokës, Albana që drejtonte procesin dhe Muli që e organizonte janë dy figura të diskretituara që kanë manipuluar disa procese zgjedhore që nga 2017.

Janë dy figura që duheshin përjashtuar në mënyrë ceremoniale për krimin e shëmtuar të manipulimit të votës dhe jo t’ju besohej procesi në Kuvendin e 30 prillit.

Shëmtia e Kuvendit nuk ishte moszgjedhja e disa figurave që kanë mbajtur qëndrime dinjitoze në kaq e kaq vite, se fundja është garë dhe dikush do humbë, shëmtia ishte zgjedhja e disa figurave të diskredituara që as duhej të ishin në garë.

Për këtë tradhëti ndaj Kuvendit të 11 dhjetorit përgjegjësinë kryesore e ka vetë Berisha.?-përfundon postimin e tij Ibsen Elezi./CNA.al