web counter
LEXO PA REKLAMA!

SHKARKO APP

App Store
Google Play

E fundit!

x

“PD është opozita e vërtetë”/ Bumçi: Po ringrihemi dhe po marrim formë në dy aspekte

2 Maj 2022, 18:16, Politikë CNA

Anëtari i Këshillit Kombëtar Aldo Bumçi ka folur për Kuvendin e 30 prillit të thirrur nga Komisioni i Rithemelimit.

Në një intervistë për emisionin Deban në A2CNN, Bumçi deklaroi se PD ka gjetur tashmë rrugën e ringritjes, pas një periudhe trazirash të brendshme.

Ai tha se opozita duhet të jetë përfaqësuese e mbështetësve të saj dhe PD sipas tij po bën të njëjtën gjë.

?Unë nuk shoh të ketë të humbur. Është një opozitë që po organizohet, e cila mbas një periudhe trazirash të brendshme arriti të gjejë rrugën që duhet të gjejë një opozitë. Të jetë një opozitë e vërtetë, përfaqësuese e atyre që e mbështesin dhe sot ne kemi një opozitë e cila përfaqëson më së mirë vlerat e anëtarëve të saj dhe mbështetësve të saj?, tha Bumçi.

Anëtari i Këshillit Kombëtar theksoi më tej se PD po ringrihet dhe po merr formën e duhur si në aspektin organizativ ashtu edhe në atë të ofertës.

?Sot kemi një opozitë të vërtetë e cila është në një proces. Ringritja e një partie nuk është me një akt, por ky është një moment i rëndësishëm ku ne po i japim formë PD me strukturat e saj, si nga aspekti organizativ duke tejkaluar problemet e brendshme ashtu edhe nga aspekti i ofertës, nga aspekti i politikave, programeve dhe përherë e më shumë do shohim një PD që merret me opozitën, me funksionin e saj dhe jo me çështjet e saj të brendshme?, shtoi Bumçi.

Sipas tij, në PD janë vendosur disa gurë themeli shumë të rëndësishme.

?Janë vendosur disa gurë themeli të rëndësishëm që kanë të bëjnë me parimet që ka kjo opozitë dhe këto janë vlera të rëndësishme të çdo force politike, në këtë rast të PD?, përfundon Bumçi./CNA.al





Lajmet e fundit nga