Kuvendi i 30 prillit/ Këlliçi: Tregoi përbërjen reale të PD, ja kur u lëkundën marrëdhëniet me SHBA

2 Maj 2022, 17:10, Politikë CNA

Kuvendi i 30 prillit që u thirr nga Komisioni i Rithemelimit zgjodhi 150 anëtarët e rinj të Këshillit Kombëtar.

Deputeti demokrat, njëherësh anëtar i Komisionit të Rithemelimit Belind Këlliçi teksa komentoi mbajtjen e Kuvendit, u shpreh se tregoi përbërjen reale të Partisë Demokratike, gjë e cila sipas tij u reflektua edhe në ulëset e sallës së Pallatit të Kongreseve.

Këlliçi tha se ishte pikërisht lobimi i Bashës në SHBA me ato që quhen ?paratë ruse? që shënoi prishjen e marrëdhënieve me SHBA-të.

?Për herë të parë në 30 Prill ka ndodhur që ishin 200-250 karrige bosh. Sepse aq ishin delegatët realë. Kjo shërben se më në fund po i japim fund hipokrizisë dhe po dalim ng ai rreth vicioz. Në atë sallë ditën e shtunë kanë qenë delegatë të PD-së dhe njerëz të ftuar nga bota e artit, kulturës etj.

Ka një shqetësim sepse kemi pasur një precedim nëpërmjet kanaleve off-shore, siç është rasti ish-kryetarit të PD. Dhe pikërisht kjo nisi lëkundjen e marrëdhënieve me SHBA-të. Për këtë, Kuvendi i fundit miratoi një rezolutë ku dënon edhe djegien e mandateve. Deri në vitin 2025, I gjithë lidershipi i ri i PD-së duhet të përfshijë 40% gratë dhe 30% të rinj në të gjitha strukturat për të krijuar një sistem karriere.

Më vjen keq ne vijojmë të diskutojmë për debatet e brendshme në Partinë Demokratike teksa Edi Rama ka nisur fushatën për zgjedhjet lokale. Pushteti lokal është dera e parë ky troket çdo qytetar për çdo problem dhe ne duhet të jemi pranë tyre. Ky debat duhet të shterojë një orë e më parë sepse është ezauruar. E kuptoj që ka interes mediatik, por qytetarët na kanë votëbesuar për të bërë opozitë?, tha Këlliçi për emisionin Kontrast.

Deputeti demokrat ktheu në vëmendje edhe një zhvillim të muajit tetor 2021. Ai tha se një nga komisionet hetimore të miratuara atëherë ishte ai për zgjedhjet e 25 prillit. Por që sipas Këlliçit, ky komision me në krye Enkelejd Alibeajn s?u mblodh kurrë.

?Në muajin tetor PD ngriti tre komisione hetimore, ku një prej tyre ishte ai për masakrën zgjedhorë dhe në krye të tij u vendos Enkelejd Alibeaj. A keni më informacion se çfarë u bë me këtë komision??, tha Këlliçi./CNA.al